lapassem aekKORRIKAk beste ahizpa bat dauka: okzitanieraren aldeko La Passem. Lasterketaldia maiatzaren 25ean abiatu zen Bidaxunetik, 14:00etan.

Iparraldeko AEK-k 10.km egin zuen. Bertan, irakasle eta ikasleekin batera, Maider Heguy, Jakes Bortairu, Asier Amondo, Mertxe Mugika eta Bixente Claverie AEKideak ere izan ziren.

400 bat kilometro egin ondoren, La Passem Paun bukatu da, maiatzaren 27an.

 

 

 



redadeg aek1redadeg aek2

AEK-k ere Redadegen hartu zuen parte. 1809. kilometroan, hain zuzen. Bertan, Iparraldeko AEK-ko eta Oarsoaldeko AEK-ko kideak izan genituen ordezkari.

Adi da di, adi da di... gu ere bretoieraren alde!

Ar Redadeg bretoieraren aldeko Korrika da. Gaur, maiatzak 4, hasiko da Kemperretik, eta 1800 kilometro egindakoan, hilaren 12an bukatuko da Plougernen. Bosgarren edizioa eta hamargarren urtemuga ospatzeko, REDADEG ekimenak mahai-ingurua antolatu du, Europan egiten diren “KORRIKA” modukoak parte hartzera gonbidatuz.

AEK-Korrikaren izenean, Mertxe Mugika (AEKren koordinatzaile nagusia), Asier Amondo (KORRIKA arduraduna) eta Jakes Bortayru (Iparraldeko koordinatzailea eta Korrika batzordeko kidea) izango dira bertan. Gainontzeko partaideak hauek izango dira: Correlingua: Galizia, Correlengua: Catalunya, Course Lingua: Val d'Aran, La Passem: Bearn, Ar Redadeg: Bretainia, Ras Yr Laith: Gales, An Rith: Irlanda.

Esperientziak partekatzeaz gain, Hizkuntzen aldeko lasterketen Europar sarea (EUROKORRIKA) osatuko dugu, elkarrekin nazioartean urrats berriak emateko; larunbatean, besteak beste, adierazpen bat hedatuko dugu.

Dagoeneko 2017. urtea oso atzean geratzen ari da; hori bai, oso pozgarria izan da KORRIKA ikustea urte amaieran eta hasieran zabaldu diren mugarri nagusien sailkapenetan eta balorazioetan.

Ikusienen artean www.eitb.eus atarian, bertan azaltzen duten bezala, irakurrienen artean www.berria.eus gunean. Beste hedabide askok ere aipatu dute azken asteotan zabaldu dituzten urteko sailkapenetan. Bai, 2017. urtea KORRIKA urtea izan da, zalantzarik gabe. Gainera, esan genuen bezala, kopuruetatik baino harago joan zen azken edizioa, eta urteari errepasoa egin diotenen artean, erreportaje zirraragarriak ere aurkitu ditugu: GAUR8n, adibidez.

Hala eta guztiz ere, heldu diogu garai berriari. Hasteko, egun hauetan jarraitu dugu 21. KORRIKAren oinarriak jartzen. Hori bai, horraino irakur dezakegu.

Bestalde, 2018ko udaberria indartsu dator, KORRIKA “ahizpen” txanda izango baita. Martxoan bertan, RITH 2018 Belfastetik Kerryra joango da. Kerryn amaituko den egunean bertan,  kaxubiarren "Elkartasunaren lasterketa'-ren 3.edizioa izango da Władysławowo-n! Maiatzean, aldiz, AR REDADEG, bretoieraren alde, 2008an abian jarritako ekimena. Azkenik, maiatzean bertan ere, “ligams” lekukoa hartu eta LA PASSEM ezagutuko dugu. Okzitanieraren alde jaio den KORRIKA berria.

Hala eta guztiz ere, horien aurretik, otsailaren 16an, Wallmapun, LEFKANTUN egingo da, maputxeen "KORRIKA". Informazio gehiago eskuratu bezain laster, horren berri emango dugu.

Tipi tapa, KORRIKA

 

emoji korrika