korrika sare sozialakTxoko honetan eta gure sare sozialetan, KORRIKAri eta LAGUNTZAILEOI buruzko informazioa ikusi ahalko duzue; horrez gain, zuontzako WHATSAPP KANALA abian jarri dugu. Jaso ezazue KORRIKA LAGUNTZAILEOI dagokizuen zuzeneko informazioa gure Whatsapp kanal berriaren bidez!

Zer argitaratuko dugu?

Hilean behin, KORRIKA LAGUNTZAILEENTZAT garrantzitsuak diren oharrak argitaratuko ditugu: zozketaren saridunak, beherapen-katalogoko berritasunak, KORRIKAren azken ordukoak...

whatsapp ikonoaNola jaso dezaket informazioa?

Oso erraza da:

1. Zure kontaktuen zerrendan, AEK Whatsapp kanala izena jarrita, gehitu telefono-zenbaki hau: +34 946 46 40 00 (Oharra: garrantzitsua da zure kontaktuetan berdin-berdin idaztea: +34 946 46 40 00, + karakterea ere jarrita)

 2. Bidali “ALTA” hitza, Whatsappez, AEK Whatsapp kanala kontaktuari. Gure agendan jasoko dugu, eta, ondoren, datuen segurtasunari buruzko legeak babestua, gure mezuak jasoko dituzu.

Joan den astean, Donostiako San Telmo museoan*, 21. KORRIKAren aurkezpena burutu genuen. Ikusi informazio osoa hemen.

Zuri, beste behin, ESKERRIK ASKO, bai horixe! KORRIKA laguntzaileok zarete KORRIKAren zutabe nagusietako bat: KORRIKA bera abian jartzeko sostengu sarea osatzen duzue.

Hemendik aurrera, gure arteko komunikazioa indartuko dugu, eta zuen laguntza eskertzeko bide berriak ezagutuko dituzue, opari eta abantaila gehiago jaso dezazuen. Beraz, adi, laster gure berri izango duzu: webgunean propio egokituko dugun atalarekin, laguntzaileen buletinekin, eta abian jarri ditugun kanal berriekin.

Besterik ez, laster arte eta gozatu bideaz! Ikusi spota!

*Remigio Mendiburuk egin zuen lehen lekukoa bertan dago ikusgai AEK-k museoari egin zion dohaintzari esker. Pieza museoaren erakusketa iraunkorrean dago, museoak 70eko eta 80ko hamarkadetako euskal kulturari eskaintzen dion atalean.