"Gure oroitzapenak" Joseba Sarrionandiaren obran oinarritutako film kolektiboa da.

Sarrionandia luzaro irudirik gabeko poeta izan da. Izoztuta balego bezala, hogeita hamar urtez zuri beltzeko argazki bat izan da euskaldunontzat. Argazki bat eta bakarra. Irudirik eza. Ausentzia.

Sarri iruditan agertzea du helburu "Gure oroitzapenak" filmak. Eta nola egiten da hori? Bada, gure ustez, ez da egiten argazki zuri-beltzezko harekin. Edo 2016ko amaieran hainbat hedabidetan agertutakoaz. Poeta ez da ezer, bere obra ez bada. Eta horregatik, Sarri iruditan jartzeko gure modua, bere poemak edo ipuinak zinemara ekartzea izango da.

Horren asmoz, Euskal Herriko eta beste zenbait herrialdetako hamabi zinemagileren pieza banak osatzen dute proiektu hau. Proiektuan parte hartzen duten zinegile guztiek badute harremanik poetarekin, dela pertsonala eta afektuzkoa, dela literarioa, dela miresmena…

Baina, gainera, auzolana ere bada non, honetan edo hartan, berrehun lagun baino gehiago aritu baitira. Haiei guztiei, milesker bihotzez.

 

EMANALDIAK:

  • GERNIKA: Martxoak 21, 20:00, Lizeo Antzokia
  • IRUN: Martxoak 27, Amaia Antzokia
  • ALTSASU: Apirilak 1, 19:00, Iortia Kultur gunean / apirilak 2, 9:30, Iortia Kultur gunean
  • LAUDIO: Apirilak 4, 19:00, Udal Zinema
  • DONOSTIA: Apirilak 4, 19:00, Lugaritz
  • ZUMARRAGA: Apirilak 10, 19:00, Zelai Arizti aretoa
  • IRUÑEA: Apirilak 11, 10:00, Iruñeko Condestable

 

ZUZENDARIAK:

  • Oskar Alegria
  • Özcan Alper
  • Asier Altuna
  • Mireia Gabilondo
  • Eugène Green
  • Itziar Lemans
  • Josu Martinez
  • Fermin Muguruza
  • Ane Muñoz
  • Maider Oleaga
  • Carlos Quintela
  • Maialen Sarasua Oliden