Egin zaitez laguntzaile eta gozatu eskaintzen dituen abantailez NOLA?

Arrow up
Arrow down
Ibiltaria Ibiltaria
albisteak-22

albisteak-22 (68)

Asteazkena, 30 Martxoa 2022 11:51

Baditugu Korrika Munduan lehiaketako irabazleak!

Etxepare Euskal Institutuaren sareko kide diren nazioarteko unibertsitateetan eta munduko euskal etxeetako hainbat lagunek Korrika Munduan bideo lehiaketan parte hartu dute. Julio Jiménez eta Lena Białkowska suertatu dira garaile, Gure Txoko Centro Vasco Valladolid eta Adam Mickiewicz University Poznan-ekoak, hurrenez hurren, eta sari moduan, online barnetegi pertsonalizatu bana jasoko dute.

Irakurri gehiago hemen.

Zorionak Julio eta Lena!!

 

 

Astelehena, 28 Martxoa 2022 10:39

Dena prest Amurrion 22. KORRIKAri hasiera emateko

Datorren ostegunean, martxoaren 31n, Amurrion hitzordu garrantzitsua du Euskal Herriko jendarteak; izan ere, 22. KORRIKA bertatik abiatuko da 16:30ean. Goizean goizetik giro ezin hobea izango da Amurrion, hainbat ekimen antolatuta baitaude.

Egun osoko jaia prestatu dute Amurrioko eta Aiaraldeko herritarrek 22. KORRIKAri hasiera emateko. Hasteko, txupinazoa eta kale animazioarekin girotuko da Amurrio, eta goizean hainbat ekimenek alaituko dute eguna eguerdiaren aurretik

Plazan izango da hasiera ekitaldia 16:00etik aurrera, Kaitin Allendek gidatuta eta Neomak taldearen parte-hartzearekin.

Mezua lekuko barruan sartuta, lehen kilometroa Amurrioko AEK euskaltegiko sei irakasleek egingo dute. KORRIKA ekimen zirraragarria da eta, horrez gain, KORRIKAren atzean euskararen eta euskaldunen, euskaltzale guztien eguneroko bizitza eta euskaraz bizitzeko nahia dago. Ideia horrekin, eta 6 lagun horien bidez, lehen kilometro horrek islatuko du alde batetik euskaraz bizitzeko kemena; eta bestetik Amurrion euskalduntze-lanak tinko aurrera egiteko KORRIKAk hauspo izan nahi duela.

Bizkaia bidean, lehendabiziko gauaren bila, Korrikak aurrera segitzen duen bitartean, Amurrion jaiak segituko du hainbat kontzertu eta ekitaldi tartean.

 

Amurrio KORRIKAren alde

Amurrio izango da ostegun honetako protagonista nagusia, bertako herritarrek eta Udalak egindako lanari esker. Hilabeteetako lana izan da, auzolan erraldoia, elkarlan handia burututa, eta ostegunerako Amurrio prest izango da 22. KORRIKAren hasierara etorriko diren herritar andanari behar bezalako harrera egiteko. Ohore handitzat jo dute bertakoek, Euskal Herriko 16 herrik baino ez dutelako KORRIKA hasiera ezagutu. Amurrioko Udalak eta AEK-k elkarlan-hitzarmena sinatu dute, eta, bertako euskara zinegotziak Julen Sasiainek deialdi berezia egin du ostegunean denok Amurrion elkartzeko.

Azkenik, azpimarratu behar da KORRIKA hasiera telebistaz (baita Internetez ere) nahiz irratiz jarraitu ahal izango dela zuzenean, hainbat hedabidek egingo dituzten saioei esker.

 

Hasiera eguneko informazioa guztia, hemen.

Egin zaitez laguntzaile

Korrika laguntzailea izatearen abantailak

  • Astero, zozketak egingo ditugu LAGUNTZAILEEN artean... 300 sari baino gehiago...

  • Oro har, KORRIKAren ekimenetan lehentasuna edo deskontuak izango dituzu.

  • Deskontuak ere AEK-ko ikastaroetan. AIZU! Aldizkariko harpidetzan...

  • Eta, aldiro-aldiro, gure berri jasoko duzu KORRIKA laguntzaileentzako buletinaren bidez.

...eta garrantzitsuena, KORRIKAren parte zara, zure laguntzarekin egingo dugulako aurrera.

Egin zaitez laguntzaile

Eskerrik asko!

 

Azarotik ari dira 22. KORRIKA aurkezten, eta dagoeneko jakitera eman dituzte lasterketaren xehetasun guztiak. Gaur zortzi abiatuko da KORRIKA Amurriotik, eta martxoaren 31tik apirilaren 10era lekukoa eskuz esku ibiliko da, euskararen aldarria Euskal Herriko bazter guztietara zabaltzeko. Mugarria ospatu eta egitasmoari ongi etorria emateko, aurkezpen soziala izan da gaur Bilbon.

Ekitaldia BBK aretoan izan da, 19:30ean. Bertan izan dira Asier Amondo KORRIKA arduraduna, eta Aitziber Balantzategi, AEKren eleduna, AEKren Artezkaritza Kontseiluko kideek lagunduta. Alizia Iribarren AEKren koordinatzaileak ere hartu du parte ekitaldian. Eurekin batera, 100 gonbidatutik gora izan dira: euskalgintzakoak, hedabideetakoak, alderdi politikoetako ordezkariak, sindikalgintzakoak, eragile sozialak eta hamarnaka lagun gehiago.

Ekitaldi xumea izan da. Oholtzan, Aitziber Balantzategik aipatu duenez, «22. KORRIKAren leloari jarraiki, zorionez, denok barneratzen ari gara hitzaren eta ekimenaren urtea izango dela». KORRIKAren eledunak aipatu du «KORRIKAren ingurumarian bertan hasita, abian jarri dugu doako ezagutzaren unibertsalizazioaren beharra jorratuko duen dinamika berria ere. “HITZEKIN. Denok euskara doan” izenekoa». Asier Amondo KORRIKA arduradunak hurrengoa aipatu du: «KORRIKAren ordua da, Euskal Herri osotik, gelditu gabe, Korrika egingo dugu Donostiara iritsi gabe. Azken egunean ere ikusi nahi zaituztegu. Apurtu agenda guztiak eta martxoaren 31tik apirilaren 10era korrikara!».

Amaia Ruiz de Galarreta aktorea aritu da aurkezpen lanetan. Ikasle batek eta irakasle batek osatutako bikotea AEKren bizidekarrean aritu da KORRIKAk beste edizioetan ekarri dizkien bizipen eta sentimenduen haritik tiraka, haiek direlako AEKren hauspoa. 22. edizioko spota eta bideoklipa ere ikusteko aukera egon da.

 

Egin zaitez laguntzaile

Korrika laguntzailea izatearen abantailak

  • Astero, zozketak egingo ditugu LAGUNTZAILEEN artean... 300 sari baino gehiago...

  • Oro har, KORRIKAren ekimenetan lehentasuna edo deskontuak izango dituzu.

  • Deskontuak ere AEK-ko ikastaroetan. AIZU! Aldizkariko harpidetzan...

  • Eta, aldiro-aldiro, gure berri jasoko duzu KORRIKA laguntzaileentzako buletinaren bidez.

...eta garrantzitsuena, KORRIKAren parte zara, zure laguntzarekin egingo dugulako aurrera.

Egin zaitez laguntzaile

Eskerrik asko!

Korrikaren ingurumarian, AEK-k abian jarri du doako ezagutzaren unibertsalizazioaren beharra jorratuko duen dinamika ere. Ekimenaren gakoa da azpimarratzea euskara ikasi nahi duten herritarrek dohainik jarduteko parada izan behar dutela.

Dinamika horren lehendabiziko aurkezpena gaur goizean burutu da Bilbon; bertan parte hartu dute, batetik, Alizia Iribarrenek, AEKren koordinatzaile nagusia, eta Asier Amondok, Korrikaren arduraduna, eta, bestetik, Garbilan eta Iberdrola enpresetako hainbat langilek. Izan ere, gaur, dinamikaren ildoetako bat azaldu da (“HITZEKIN. Denok euskara doan. Langileok prest” izenekoa): AEK-KORRIKAtik elkarlan-bide bat landu da ELA nahiz LAB sindikatuekin, eta heldu den ikasturterako doako ikastaro laburrak antolatuko dituzte, hainbat lantokitan prest dauden langile-taldeekin. Berez, urtero eta Euskal Herriko lantoki askotan ezaguna den dinamika biderkatu nahi dute ekimen honen bidez. Gehiagorengana iritsi nahi izango dute eta, batez ere, dinamikaren xedea bistaratu nahi da ekintza praktiko horien bidez: “Euskal Herrian euskaraz biziko bagara, helduen euskaraz aritzeko gaitasun egokia zabaltzea gakoa izango da, baita euskaltegietan zerbitzua doan jaso ahal izatea ere”

Langileek adierazi dutenez, euskararen normalizazioa garatzeko ezinbesteko esparrua da lan-munduarena, eta berau euskalduntzeko urrats zehatzak aldarrikatu dituzte. Haiek ere prest daude pausoak emateko (“langileen eskubideen eta bermeen aldeko borrokan kokatzen dugu hizkuntza-eskubideena”), baina, era berean, aipatu dute norbanakoen boluntarismoa gainditu behar dela. Lan-mundua euskaldundu nahi bada, ezinbestean Administrazioen aldetik erabaki ausartagoak hartu beharko dira: “Behar-beharrezkoa da langile guztiei euskara ezagutzeko bideak jartzea, horretarako denbora ziurtatzea eta zerbitzu hori doakoa izatea”

Alizia Iribarrenek adierazi duenez, gaurko aurkezpena, eta abian jarriko diren ikastaro horiek, dinamika zabalago baten isla dira; aurrerago, ekinbide gehiago landuko dira, baita beste arloetan ere. Era berean, aurreratu du apirilaren 4an aurkezteko dela, dinamika honen barruan ere kokatu den Donibane Garaziko adierazpena. AEK ez ezik, beste euskaltegi askoren ordezkariak daude agiri horren atzean.

Egin zaitez laguntzaile

Korrika laguntzailea izatearen abantailak

  • Astero, zozketak egingo ditugu LAGUNTZAILEEN artean... 300 sari baino gehiago...

  • Oro har, KORRIKAren ekimenetan lehentasuna edo deskontuak izango dituzu.

  • Deskontuak ere AEK-ko ikastaroetan. AIZU! Aldizkariko harpidetzan...

  • Eta, aldiro-aldiro, gure berri jasoko duzu KORRIKA laguntzaileentzako buletinaren bidez.

...eta garrantzitsuena, KORRIKAren parte zara, zure laguntzarekin egingo dugulako aurrera.

Egin zaitez laguntzaile

Eskerrik asko!

22. KORRIKAk edari ofizial propioak ditu, Biba Ardoak, Boga Garagardoak eta Saltus ekoizleekin lotutako hitzarmenei esker.

KORRIKA ardoak Azkoitiako Kulturgunearen Oteiza aretoan aurkeztu ziren, hilaren 10ean, Biba Ardoak kooperatibak egindako dastaketa baten bidez. Ekimena Korrika Kulturalaren baitan egin zen. Bertaratutakoek Euskal Herritik bidaiatxo bat egiteko aukera izan zuten, sei eskualde ezberdinetako ardoak dastatuz.

Halaber, KORRIKA garagardoak Mungiako Mugaire txokoan aurkeztu ziren, hilaren 12an; hauek ere Korrika Kulturalaren programazioaren barruan. Bertan, Mikel Martinezen “Tabernaria” antzezlanaz eta KORRIKArako sortutako garagardoaren aurkezpen dastaketaz gozatu ahal izan zuten bertaratutako 30 bat lagunek. Horrez gain, Txikiren Bakarrizketarekin momentu dibertigarriak pasa zituzten.

Urtzi Ugalde Bogako kidearen arabera, edari egitasmo honekin «euskara eta euskal kultura bultzatzeaz gain, gertuko ekoizleon lana eta kultura berria plazaratu nahi dugu».

KORRIKA edariak erosteko, klika egin esteka honetan:
www.denda.korrika.eus

Egin zaitez laguntzaile

Korrika laguntzailea izatearen abantailak

  • Astero, zozketak egingo ditugu LAGUNTZAILEEN artean... 300 sari baino gehiago...

  • Oro har, KORRIKAren ekimenetan lehentasuna edo deskontuak izango dituzu.

  • Deskontuak ere AEK-ko ikastaroetan. AIZU! Aldizkariko harpidetzan...

  • Eta, aldiro-aldiro, gure berri jasoko duzu KORRIKA laguntzaileentzako buletinaren bidez.

...eta garrantzitsuena, KORRIKAren parte zara, zure laguntzarekin egingo dugulako aurrera.

Egin zaitez laguntzaile

Eskerrik asko!

Hitzak aski ez direnean, HITZEKIN beharko dugu 22. KORRIKArekin batera.

KORRIKAren 22. edizioa hasteko bi aste baino falta ez direnean, ehunka herri eta auzotan Korrika Batzordeak lanean ari diren honetan, Iruñean egin da aurtengo edizioaren lehendabiziko KORRIKAren Aurkezpen Soziala, Nafarroako Antzerki Eskolan (Bilbon heldu den astean egitekoa da, 24an). Lekuko erraldoiak Amurriora bidaiatu du Garestik martxoaren 10ean, furgonetak prest daude, hasiera eta bukaera ekitaldietako egitarauak zabaltzeko prest... KORRIKA hastea baino ez da falta.

KORRIKAren spotarekin ekin dio ekitaldiak arratsaldeko 19:00etan, eta Laura Villanueva aktoreak hartu du aurkezteko ardura. Ikasle batek eta irakasle batek osatutako bikoteak hartu du lekukoa gero, eta AEKren bizidekarrean aritu dira KORRIKAk beste edizioetan ekarri dizkien bizipen eta sentimenduen haritik tiraka, haiek direlako AEKren hauspoa. Aitziber Balantzategi AEK-ko Artezkaritza kideak hartu du ondoren hitza, 60tik gorako gonbidaturen aurrean (erakundeetako ordezkariak, jendarte-eragileak...), eta besteren artean KORRIKAren bi helburuek oso presente dirautela nabarmendu du: «euskararen aldeko kontzientzia suspertzea eta AEKren eguneroko jardunerako dirua biltzea».

Aurtengo abestiaren bideoklipa ikusi dute gonbidatuek, eta Asier Amondo 22. KORRIKAren arduradunak egin du bigarren hitzartzea. «Gogoa eta ilusioa» aipatu ditu, eta horren adibidetzat jarri du Korrika Laguntzailearen figurak 9.000 kide baino gehiagoren babesa jaso duela, eta 11.000 gainditzea ere espero dela. Herri bat zain dagoela esan du, KORRIKArekin maiteminduta dagoen herri bat, euskararen gogoa lau haizetara zabaldu nahi duena.

Lasterka, arineketan, antxintxika... KORRIKA hastea baino ez da falta. Amurriotik Donostiara. Martxoaren 31tik apirilaren 10era. 2.575 kilometro. Korrika.

 

 

Egin zaitez laguntzaile

Korrika laguntzailea izatearen abantailak

  • Astero, zozketak egingo ditugu LAGUNTZAILEEN artean... 300 sari baino gehiago...

  • Oro har, KORRIKAren ekimenetan lehentasuna edo deskontuak izango dituzu.

  • Deskontuak ere AEK-ko ikastaroetan. AIZU! Aldizkariko harpidetzan...

  • Eta, aldiro-aldiro, gure berri jasoko duzu KORRIKA laguntzaileentzako buletinaren bidez.

...eta garrantzitsuena, KORRIKAren parte zara, zure laguntzarekin egingo dugulako aurrera.

Egin zaitez laguntzaile

Eskerrik asko!

Twitter 01Korrikaren 22. edizioan ere bideo lehiaketa antolatu dugu Etxepare Euskal Institutuarekin elkarlanean. Etxepare Euskal Institutuak mundu osoan zehar dituen irakurletzetako ikasleei eta Euskal Etxeetako euskara ikasle eta komunitateari zuzendutako lehiaketa da. Munduko euskara ikasleek ikasleek Korrikari babesa emateko bideo lehiaketa da. Gaurtik aurrera, bideoan Youtubeko kanalean egongo dira ikusgai eta martxoaren 28ra arte egongo da bozka emateko aukera.  Bozka epea amaitzean, Youtuben “Atsegin dut” gehien jasotzen dituen bideoa izango da irabazlea.

Hurrengoan izango dira sariak:

-Irakurletzen sariak: AEK-k antolatutako online barnetegia, bi pertsonarentzat.
-Euskal Etxeen sariak: AEK-k antolatutako online barnetegia, bi pertsonarentzat.

Martxoaren 29 bideo irabazlea zein den jakinaraziko da Etxepare Euskal Institutuaren webgunean.

Egin zaitez laguntzaile

Korrika laguntzailea izatearen abantailak

  • Astero, zozketak egingo ditugu LAGUNTZAILEEN artean... 300 sari baino gehiago...

  • Oro har, KORRIKAren ekimenetan lehentasuna edo deskontuak izango dituzu.

  • Deskontuak ere AEK-ko ikastaroetan. AIZU! Aldizkariko harpidetzan...

  • Eta, aldiro-aldiro, gure berri jasoko duzu KORRIKA laguntzaileentzako buletinaren bidez.

...eta garrantzitsuena, KORRIKAren parte zara, zure laguntzarekin egingo dugulako aurrera.

Egin zaitez laguntzaile

Eskerrik asko!

Ostirala, 11 Martxoa 2022 15:55

KORRIKA aurkezpenak Bilbo eta Gasteizen

Azaroaren erdialdean aurkeztu genuen KORRIKAren 22. edizioa, eta dagoeneko 20 egun baino ez dira falta Amurriotik abiatzeko. Egunotan, hainbat eskualde eta herrietan aurkezpenak egiten ari dira, baita hiriburuetan ere.

Atzo, Gasteizen txanda izan zen eta Oihaneder Euskararen etxean hainbat euskaldun eta euskaltzale bildu ziren, aurtengo KORRIKAren zehaztasunak ezagutzeko. Bertaratutakoen artean, Asier Amondo KORRIKA arduraduna egon zen, baita AEK eta KORRIKAko beste zenbait ordezkari ere. Bertsolarien laguntzaz ekitaldia doinuz jantzi zuten.

Herenegun, ostera, martxoaren 9an Bilbon egin zuten KORRIKAren aurkezpena. Bilborock aretoan izan zen eta 100 lagundik gora bildu ziren. 22. edizioa aurkezteaz gain, unitate didaktikoen barnean dagoen Korrika Jokoa ere probatu zuten bertaratutakoek, Kahoot plataformaren bitartez. Ondoren, Mixerabliak taldearen kontzertua izan zen. Bilbo eta inguruetako hainbat eragile gerturatu ziren ekitaldira, besteak beste, Bilboko Udala, Abante-Berriako kideak, Abusu ikastolako ordezkariak, Athletic-eko ordezkariak, Bilboko euskalgintzako kideak eta abar.

 

Egin zaitez laguntzaile

Korrika laguntzailea izatearen abantailak

  • Astero, zozketak egingo ditugu LAGUNTZAILEEN artean... 300 sari baino gehiago...

  • Oro har, KORRIKAren ekimenetan lehentasuna edo deskontuak izango dituzu.

  • Deskontuak ere AEK-ko ikastaroetan. AIZU! Aldizkariko harpidetzan...

  • Eta, aldiro-aldiro, gure berri jasoko duzu KORRIKA laguntzaileentzako buletinaren bidez.

...eta garrantzitsuena, KORRIKAren parte zara, zure laguntzarekin egingo dugulako aurrera.

Egin zaitez laguntzaile

Eskerrik asko!

Hezkuntza-zentro eta euskaltegietarako unitate didaktikoak aurkeztu dituzte AEK/KORRIKAko eta Ikastolen Elkarteko ordezkariek, Ziburuko Piarres Larzabal kolegioan. Bilduma www.korrika.eus webgunean dago eskuragarri, eta ikastetxeetarako unitate sorta osorik on-line lantzeko aukera dago. Asier Amondo KORRIKA arduradunak adierazi du elkarlana bi erakundeen «sinergiaren» fruitua dela. Unitatearen erakustaldi laburra egin dute Piarres Larzabal kolegioko ikasleek.

KORRIKAren edukiak lantzeko unitate didaktikoen bilduma aurkeztu dute AEK/KORRIKAko eta Ikastolen Elkarteko arduradunek gaur, martxoak 4, Ziburuko Piarres Larzabal kolegioan, bertako ikasleen laguntzarekin.

Unitate didaktiko hauek «gure bi erakundeen sinergiaren emaitza» direla adierazi du Asier Amondo KORRIKA arduradunak. Ikastolen Elkarteko kideek sortu dituzte unitateak, baina hezkuntza-zentro guztietan lantzeko modukoak dira.

Koldo Tellitu Ikastolen Elkarteko lehendakariak ere hartu du hitza agerraldian, eta Euskal Herri euskaldunaren alde lanean diharduten bi erakundeen elkarlana azpimarratu du: «Ikastolontzat ohore handia da ekimen honetan parte hartzea». Horrez gain, Tellituren esanetan, KORRIKAk «hamar-hamabi egunez haize freskoa eramaten dio tokian tokiko euskalgintzari». Peio Jorajuriak, Seaskako lehendakariak, ere hartu du parte aurkezpenean.

Ikastetxeetarako eta euskaltegietarako

Aipatutako bilduma bi material sortaz osaturik dago: hezkuntza zentroei zuzendutako sorta eta euskaltegietarako sorta.

Lehenengoei dagokienez, unitateek hezkuntza formalaren etapa guztiak hartzen dituzte, Haur Hezkuntzatik 18 urtera bitartean. Iñaki Zapirain unitateen egileak aipatu duenez, «aurtengo nobedadeen artean ipuin baten bideoa dugu, Pilota gorri batekin ipuina, alegia; Gaizka Chamizo aktorearekin egindako elkarlana. Bestalde, unitateetan aurtengo KORRIKAren kanta, dokumentala eta omenduak ere jorratzen dira, eduki bakoitza maila ezberdinetara egokitua». Irakasleek unitate guztiak on-line landu ahalko dituzte, www.korrika.eus/unitate-didaktikoak/ webgunean.

Amaia Lopez de Luzuriagak, bere aldetik, euskaltegietarako atazak aurkeztu ditu. Berak adierazi bezala, «aurten KORRIKAren hainbat mugarriren inguruan sortu dituzte atazak; eta, horrez gain, aberasgarritzat jo du jolas interaktiboen erabilera, hainbat trebetasun lantzeko balio baitu». Bestetik, aipamen berezia egin die gurasoentzat sortutako atazei, euskaraz ikasten ari diren guraso eta umeen arteko transmisioan eragitea helburu izanik.

Kolegioko ikasleak, protagonista

Didaktikarien azalpenez gain, unitateen erakustaldi laburra egin dute Piarres Larzabal kolegioko ikasleek, 22. KORRIKAren kantaren koreografia dantzatuz. Bestalde, kazetari lanak ere egin dituzte Ziburuko gazteek, eta bertaratutakoei KORRIKAren gaineko galderak egin dizkiete.

Unitate didaktiko bilduma eskuragarri dago www.korrika.eus webgunean, “Unitate didaktikoak” atalean.

 

Egin zaitez laguntzaile

Korrika laguntzailea izatearen abantailak

  • Astero, zozketak egingo ditugu LAGUNTZAILEEN artean... 300 sari baino gehiago...

  • Oro har, KORRIKAren ekimenetan lehentasuna edo deskontuak izango dituzu.

  • Deskontuak ere AEK-ko ikastaroetan. AIZU! Aldizkariko harpidetzan...

  • Eta, aldiro-aldiro, gure berri jasoko duzu KORRIKA laguntzaileentzako buletinaren bidez.

...eta garrantzitsuena, KORRIKAren parte zara, zure laguntzarekin egingo dugulako aurrera.

Egin zaitez laguntzaile

Eskerrik asko!

Asteazkena, 02 Martxoa 2022 12:36

KORRIKAk erronka proposatu dio munduari

KORRIKAk munduari erronka proposatu dio, hizkuntza gutxituak ardatz, helburua da 22. korrikaren mezua ahalik eta hizkuntza gutxiagotu gehienetara itzultzea. AEK-KORRIKAk leku berezia egin nahi die hizkuntza horiei, “guk geure lekua aldarrikatzen dugu, bai eta besteentzat ere, denok berdin”. Dagoeneko, hasi dira ekarpenak iristen, besteak beste, saharar errefuxiatu kanpamentuetan, hassania hizkuntzara itzuli dute mezua. Hemen duzue ikusgai.

Horrez gain, urtero legez, munduan zehar hainbat KORRIKA antolatu dira, baita horien inguruko ekitaldiak ere. 21. korrikak 4 kontinente eta 45 hiri hartu zituen, eta 22. korrikak ere antzeko bidea hartu du. Edizioz edizio, horretan aritzen dira euskal diasporako Euskal Etxeak, eta ekimen ederrak egiten dituzte. Dagoeneko, Parisen, Bremenen, Shangain eta Bartzelonan antolatu dute KORRIKA. Guk hemen bilduko ditugu guztiak eta sare sozialetan emango dugu horien guztien berri.

Halaber, azken urteotako hitzarmenari eutsiz, Etxepare Institutuak ere bere gain hartu du KORRIKAren leloa munduan barreiatzeko konpromisoa. Horretarako, besteak beste, unibertsitate-esparruko irakurletzetan lanketa berezia egiten ari da. Bideo lehiaketa ere antolatu dute, aurten hizkuntza gutxituen erronka hartuz.

 

Egin zaitez laguntzaile

Korrika laguntzailea izatearen abantailak

  • Astero, zozketak egingo ditugu LAGUNTZAILEEN artean... 300 sari baino gehiago...

  • Oro har, KORRIKAren ekimenetan lehentasuna edo deskontuak izango dituzu.

  • Deskontuak ere AEK-ko ikastaroetan. AIZU! Aldizkariko harpidetzan...

  • Eta, aldiro-aldiro, gure berri jasoko duzu KORRIKA laguntzaileentzako buletinaren bidez.

...eta garrantzitsuena, KORRIKAren parte zara, zure laguntzarekin egingo dugulako aurrera.

Egin zaitez laguntzaile

Eskerrik asko!