Etiketaren araberako elementuak bistaratzen: korrikaren ahizpak
“Redadeg 2024” lasterketaren xehetasunak ezagutarazi ditu Ar Redadeg elkarteak
Ar Redadeg elkarteak gure KORRIKAren ahizpa honen 2024ko edizioari buruzko xehetasunak eman berri ditu.
Oraingoan, Redadeg (euskaraz, Lasterketa) bretoieraren aldeko ekimena maiatzaren 17tik 25era izango da, eta Bretainiako Pointe du Raz (Plogoff udalerrian) eta Morlaix lotuko ditu. Halaber, antolatzaileek edizio honetarako aukeratutako leloa Treuzkas ! (Pasa ezazu!) izango da.
Ar Redadeg elkartearen arabera, «gure arbasoek bretoierarekin izandako harremanaren bidez, oinordetzan zauriak jaso ditugu. Zauri horiek oraindik irekiak eta orbainduak daude, kulturak zapaldu eta estandarizatzeko makinak eginak. Horregatik, oraintxe bertan da zauri horiek sendatzeko unea!».
Redadeg 2024ri buruzko informazio gehiago hemen irakur daiteke.
Kitxuaren aldeko “KORRIKA” bat sortu nahi du Kichwa Otavalo Kultur Elkarteak
Kichwa Otavalo Kultur Elkarteak kitxuaren aldeko herri ekimen berria sortu nahi du, KORRIKAren antzekoa.
Bidaia horretan bidelagun nahi dute AEK-KORRIKA, eta hala adierazi ziguten atzo, martxoaren 27an. Izan ere, esperientziak partekatzeko asmoz bildu ginen beraiekin, AEKren Bilboko egoitzan. Ekimena gauzatuko balitz, KORRIKAren beste ahizpa bat litzateke, dagoeneko ditugunen modukoa.
Argazkian, Ane Elordi eta Tito Serrano KORRIKA koordinatzaileak Luis Alberto Conejorekin, Kichwa Otavalo Kultur Elkarteko ordezkariarekin.