Imbaburako (Ekuador) lagunek ere itzuli dute KORRIKAren mezua:

Astero zozketak egingo ditugu Korrika Laguntzaileen artean. Hurrengoa martxoaren 15ean egingo dugu. Zorte on!

Hemen sariak:

1.GABIREL AGIRRE ARRIETA (Gasteiz). Garaiko landetxean asteburua eta gosaria bi lagunentzat, Alluitz Natura parkean "Artzai egun batez" ekintza burutzeko bonu bat (bi heldu eta bi ume eta) eta Isturitzeko harpeak ikusteko bost sarrera.

2. BERNARDO RODRIGUEZ GONZALEZ (Ortuella). Bilboko Kokken jatetxean bi lagunentzako menua + ardo botila, Athletic Museorako bi sarrera, Areatzako bainuetxerako bi lagunenzako opari-txartela eta Añanako Gatz Harana fundazioak emandako gatz-sorta bat eta Kadreitako Anko kontserbak.

3. AINARA CESPEDES ARISTU (Irunberri). Hernaniko Iparragirre sagardotegian lau lagunentzako menua (2 menu bikoitz), Chillida Leku bisitatzeko bi sarrera eta EHZ Festibalerako bi sarrera bikoitz.

4. JOXE TELLADO CORCHETE (Pasaia Antxo). Gasteizko Zazpi jatetxean bi lagunentzako menua, Mugitu/Urbasa abentura parkeko rokodromorako lau sarrera eta Añanako Gatz Harana fundazioak fundazioak emandako gatz-sorta bat eta Kadreitako Anko kontserbak.

5. MYRIAM CACHENAUT (Angelu). Iruñeko Katakrak kantinan infu-bizkotxoa bi pertsonentzat eta Katakrak editorialeko euskarazko liburu bat, Areatzako bainuetxerako bi lagunentzako opari-txartela, eta EHZ festibalerako bi sarrera bikoitz.

Zeren zain zaude Laguntzaile izateko? Astero, zozketak egingo ditugu LAGUNTZAILEEN artean (300 sari baino gehiago), deskontuak, abantailak... eta garrantzitsuena, 15 euroren truke, KORRIKAren parte izango zara, zure laguntzarekin egingo dugulako aurrera.

                             

  
        

           
                         

    

            
   

 

 

 

 

 

    

 

 

 

 

 

Eguna zehaztu gabe

Harremanetan jartzeko:  Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Martxoaren 17an. Basque Tradek antolatuta.

Non? Avenida Paulista, 1636 – Conjunto 1110 – Bela Vista, SP

Harremanetan jartzeko:  Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Martxoaren 24an izango da. 10:30ean batuko dira Max-Joseph plazan (Staatsoper-aren plaza), petoak banatu eta beroketa ariketak egiteko! 11:00etan hasiko gara korrika, eta Geschwister-Scholl plaza bitarteko tartea zeharkatuko dute. KORRIKAren ostean, Eusko Jaurlaritzaren "Basque Trade & Investment" bulegoan aperitifa izango dugu 12:00 - 13:00 bitartean, elkar hobeto ezagutu eta indarberritzeko! Leopoldstraße 29 -n dago, oinez joateko moduan.

"Basque Trade & Investment"ek antolatuta. 

Harremanetan jartzeko:  Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

2024ko martxoaren 9an Korrika Bruselan, Euskal etxeak antolatuta. 14:00etan Parc-en.

Harremanetan jartzeko:  Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Iritzi artikuluaren sinatzaileak: KORRIKA arduradun Ane Elordi Alburquerque eta AEKren Artezkaritza kide Aitziber Balantzategi Ibargoitia.

Nor gara? Gizakiok animalia sozialak gara naturalki, eta beste batzuen beharra izan ohi dugu garatzeko. Pertsonok talde edo egitura sozial konplexuak sortu izan ditugu, elkarren artean kooperatzeko zein lehiatzeko, familiatik hasi eta talde politiko, zientifiko edo ekonomikoetaraino. Elkarrekintza horrek ohitura, erritual, herri, balio, arau eta legeak sortu ditu, zeinak gure elkarbizitzaren oinarri diren. Gizakiok, halaber, komunikazio-gaitasun handiak ditugu, eta hizkuntza da, zalantzarik gabe, komunikazio-sistema konplexuak geureganatu eta erabiltzeko ezinbesteko tresna: gure kasuan, euskara.

Hizkuntzak hitzez osatzen dira, gu guztion hitzez, eta nor bere herrira lotzen gaituzte. Guk, euskal hiztun izan edo ez izan, berezko ekosistema eraiki behar dugu euskararen bueltan: euskal komunitatea, euskara ardatz duen taldea. Hizkuntza erreminta da komunitate hori eraikitzeko, eta sendotu egiten du norberaren identitatea; Euskal Herriko ondarea eta kultura ezagutzeko aukera ere ematen du, harreman sozialetarako eta lan-mundurako ateak irekitzen ditu... Hizkuntzak aberastu egiten gaitu, mundu oso bat ezagutzeko eta horren parte izateko aukera emanda.

Euskara hizkuntza, besteak bezalaxe, kultura eta mundu bat da: bertoko hizkuntza da gure kultur izaera eta, munduan, Euskal Herrian, nor izateko modua. Euskarak gure beharra du. Gizakiok beste gizaki batzuen beharra dugun moduan, euskarak euskal komunitatearen beharra du.

Helburu dugu euskara indartsu sartzea herritarron nortasuna eraikitzeko bidean; euskara eragile irabazlea izatea identitatea garatzeko prozesuan. Euskarak egiten gaitu denok euskaldun, gutako bakoitza, baita gure komunitate osoa ere, herria. Orain, Euskal Herriko kaleak hartuta, harro aldarrikatuko dugu asko garela eta gogotsu gaudela oso: euskaraz harro bizitzeko herri-gogoa badela, alegia.

Euskarak izan behar du etorkizuna, euskarak etorkizuna izan behar du, jendeari bizitzan ziurtasun baikorra ematearren. Geroan ere, euskara ezinbestekoa izango da herriaren eta herritarren identitatea trinkotzeko.

Horregatik, euskararen biziberritze-prozesuak ilusioa eta baikortasuna eragin behar ditu; ez da hau mezu goibeletarako garaia, baizik eta animorako eta ilusiorako ordua, nahiz eta badakigun oraindik asko dugula egiteko. Horretarako, era estrategikoan eta komunitarioan jokatu behar dugu: herria batuta, gogoa ardatz. Euskararentzat etorkizun hobea sustatzeko konpromisoa hartu behar dugu orain; beraz, har dezagun dimentsio orotan eragiteko engaiamendua, denok bat eginda. Mugi dezagun euskararen herria, ingurua mugiarazi arte.

23. KORRIKA ate-joka dugu; laster hasiko gara lekukoa eskuz esku eta kilometroz kilometro eramaten, Euskal Herriko jendartea astintzen, ehunka mila lagunen bihotz-taupaden maitasuna eta babesa lau haizetara zabaltzen... Kalera atera gaitezen eta harrotasunez zipriztin ditzagun Kantauri itsasoa, Arabako mahats, Bardeako buztin, Pirinioetako elur eta Meatzaldeko burdina. Ikus, senti eta entzun gaitzatela, bagarelako eta izango garelako! Harro Herri, eta gora KORRIKA! Gora AEK!

Ane Elordi Alburquerque

Aitziber Balantzategi Ibargoitia

23. KORRIKA Irundik abiatzeko 6 egun eskas falta dira. 10 egunen bueltan, martxoaren 24an, Baionarat iritsiko da; bertan, egun osoko jaia eta egitaraua prestatzen ari gara.

Xaho kaian Etxepare gunea izanen dugu; han, jarririk bazkaltzeko parada egonen da: zikiro-jan herrikoia, Euskal Herriko Laborantza Ganbarak antolaturik.

Txartelak aurretiaz eskuratu beharko dira KORRIKAren online dendan, hemen

Menua hauxe izango da: hasierakoa, sasi ardi arrazako zikiroa eta ilarrak (baba zuriak), ardi-gasna eta deserta (postrea); Ogia, Irulegiko arnoa eta kafea barne.

Prezioa: 25 euro/eusko

Martxoaren 24an, Baionan ikusiko dugu elkar!

OHAR GARRANTZITSUA: Menua jango ez duten haur zein helduentzat ez da lekurik izango zikiroan, zoritxarrez.  Izan ere, gune itxia da eta leku mugatuak ditugu. Batzuk onartuz gero, guztiak onartu beharko genituzke.  Kopuru handia izateko arriskua dago eta kudea ezina izango litzateke. Ulertuko duzuelakoan. Mila esker!

23.KORRIKAren mezua lau haizeetara zabaldu nahi dugu. KORRIKAren deiadarra beste hizkuntza batean, Donostiako Lauaizeta BHI ikastetxeko lagunei eta Lemiko Liisamaija Lehkonen and Sanni Kallio (irakasleak) + Rasmus, Niilo, Matias, Anni, Stella, Aino and Ella (ikasleei) esker.

Eskerrik asko Donostiako Lauaizeta BHI ikastetxeko lagunei itzulpenekin laguntzeagatik! Eta Lemiko irakasle eta ikasleei: Liisamaija Lehkonen and Sanni Kallio (irakasleak) + Rasmus, Niilo, Matias, Anni, Stella, Aino and Ella (ikasleak)

Suedieraz, hizkuntza gutxitua Finlandian.