2019ko apirilean, Euskal Herri osoa zeharkatuko dugu, eta atzerako kontaketa hasi da. Hori dela eta, AEKn, buru-belarri gabiltza prestaketan, eta, besteak beste, 21. KORRIKA iragarriko duen SPOT-IRAGARKIA grabatuko dugu irailean. Horretarako, zure laguntza nahi dugu: bai parte hartzera animatuz bai deialdi hau ahalik eta gehien zabalduz.

Spot-iragarkiaren "protagonistak" nahiz extrak bilatzen ari gara. Grabaketak, aurtengo irailaren 11n, 13an eta 17an izango dira. Protagonistek egun pare batean grabatu beharko dute, eta extrek horietariko bakar batean. Profil desberdinak behar ditugu, adin guztietakoak; beraz, interesa baduzu, bidali emaila zure datuekin Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera, argazki batekin. SPOT-IRAGARKIAen egileek hautatuko dute protagonista-taldea.

Azkenik, breakdance dantzariak ere behar ditugu. Inor animatuz gero, idatz dezala Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera.

Oharra: abuztu bukaeran, jasotako mezu guztiekin harremanetan jartzen hasiko gara.

Eskerrik asko eta badakizu: tipi, tapa, KORRIKA!

Katalanaren alde lan egiten du CALek (Coordinadora d'Associacions per la Llengua Catalana) eta 1993tik Correllengua antolatzen dihardute, Korrikaren ahizpetako bat.

Asteburuan ekimenaren berri izan dugu. Izan ere, Nova Cançori omenaldia eskainiko diotela eman dute ezagutzera. Hemendik eta azarora bitartean, jarraituko dugu Correllenguaren berri izaten. Informazio gehiago webgunean: http://correllengua.cat/

RasyrIaith galesGalesaren aldeko lasterketa egingo dute uztailaren 4tik 6ra.
 
Informazio gehiago: http://rasyriaith.cymru/en/

adierazpena eurokorrika

Ar Redadeg, bretoieraren aldeko lasterketaren 10. urtemugan (5.edizioan), mahai-ingurua antolatu dute. Bertan, Europan egiten diren moduko Korriken ordezkariek esperientziak partekatu dituzte, elkarrekin eta elkarrengandik ikasteko. Hizkuntzen aldeko lasterketen Europar sarea osatu dute (EUROKORRIKA) eta honako adierazpena hedatu dute:

HIZKUNTZEN ALDEKO LASTERKETEN EUROPAKO SAREA

Kemperreko deklarazioa

Europako hizkuntza gutxituen aldeko lasterketen gutuna

2018ko maiatzaren 5a

Korrika (Euskara) Euskal Herria
Correlingua (Galiziera) Galizia
Correllengua (Katalana) Katalunia
Course Lingua (Okzitaniera) Aran Harana
La Pasem (Okzitaniera) Biarno
Redadeg (Bretainiera) Bretainia
Ras yr Iaith (Galesa) Gales
Rith (Irlandera) Irlanda
Sprochrenner (Alemana) Alsazia

 

Kemperren, 2018ko maiatzaren 5ean