Ikastetxe eta euskaltegietarako 22. KORRIKAren unitate didaktikoak aurkeztu dituzte AEK-k eta Ikastolen Elkarteak
Hezkuntza-zentro eta euskaltegietarako unitate didaktikoak aurkeztu dituzte AEK/KORRIKAko eta Ikastolen Elkarteko ordezkariek, Ziburuko Piarres Larzabal kolegioan. Bilduma www.korrika.eus webgunean dago eskuragarri, eta ikastetxeetarako unitate sorta osorik on-line lantzeko aukera dago. Asier Amondo KORRIKA arduradunak adierazi du elkarlana bi erakundeen «sinergiaren» fruitua dela. Unitatearen erakustaldi laburra egin dute Piarres Larzabal kolegioko ikasleek.
KORRIKAren edukiak lantzeko unitate didaktikoen bilduma aurkeztu dute AEK/KORRIKAko eta Ikastolen Elkarteko arduradunek gaur, martxoak 4, Ziburuko Piarres Larzabal kolegioan, bertako ikasleen laguntzarekin.
Unitate didaktiko hauek «gure bi erakundeen sinergiaren emaitza» direla adierazi du Asier Amondo KORRIKA arduradunak. Ikastolen Elkarteko kideek sortu dituzte unitateak, baina hezkuntza-zentro guztietan lantzeko modukoak dira.
Koldo Tellitu Ikastolen Elkarteko lehendakariak ere hartu du hitza agerraldian, eta Euskal Herri euskaldunaren alde lanean diharduten bi erakundeen elkarlana azpimarratu du: «Ikastolontzat ohore handia da ekimen honetan parte hartzea». Horrez gain, Tellituren esanetan, KORRIKAk «hamar-hamabi egunez haize freskoa eramaten dio tokian tokiko euskalgintzari». Peio Jorajuriak, Seaskako lehendakariak, ere hartu du parte aurkezpenean.
Ikastetxeetarako eta euskaltegietarako
Aipatutako bilduma bi material sortaz osaturik dago: hezkuntza zentroei zuzendutako sorta eta euskaltegietarako sorta.
Lehenengoei dagokienez, unitateek hezkuntza formalaren etapa guztiak hartzen dituzte, Haur Hezkuntzatik 18 urtera bitartean. Iñaki Zapirain unitateen egileak aipatu duenez, «aurtengo nobedadeen artean ipuin baten bideoa dugu, Pilota gorri batekin ipuina, alegia; Gaizka Chamizo aktorearekin egindako elkarlana. Bestalde, unitateetan aurtengo KORRIKAren kanta, dokumentala eta omenduak ere jorratzen dira, eduki bakoitza maila ezberdinetara egokitua». Irakasleek unitate guztiak on-line landu ahalko dituzte, www.korrika.eus/unitate-didaktikoak/ webgunean.
Amaia Lopez de Luzuriagak, bere aldetik, euskaltegietarako atazak aurkeztu ditu. Berak adierazi bezala, «aurten KORRIKAren hainbat mugarriren inguruan sortu dituzte atazak; eta, horrez gain, aberasgarritzat jo du jolas interaktiboen erabilera, hainbat trebetasun lantzeko balio baitu». Bestetik, aipamen berezia egin die gurasoentzat sortutako atazei, euskaraz ikasten ari diren guraso eta umeen arteko transmisioan eragitea helburu izanik.
Kolegioko ikasleak, protagonista
Didaktikarien azalpenez gain, unitateen erakustaldi laburra egin dute Piarres Larzabal kolegioko ikasleek, 22. KORRIKAren kantaren koreografia dantzatuz. Bestalde, kazetari lanak ere egin dituzte Ziburuko gazteek, eta bertaratutakoei KORRIKAren gaineko galderak egin dizkiete.
Unitate didaktiko bilduma eskuragarri dago www.korrika.eus webgunean, “Unitate didaktikoak” atalean.
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
Sahara
Saharan, Tindufeko errefuxiatu kanpamentuetan, 22. korrikarekin bat egin dute. Saharako Maratoiaren harira, errefuxiatu kanpamentuetara joandako euskaldunek KORRIKAren aldarria eraman dute bertara.
Horrez gain, erronka helduz, aurtengo KORRIKAren mezua hassaniara itzuli dute. Hassania sahararren hizkuntza gutxiagotua da eta ahoz mantentzen da. Hemen bideoa ikusgai.
Sahararatik hassaniaz mezua
Saharan, Tindufeko errefuxiatu kanpamentuetan, 22. korrikaren erronkari heldu diote. Aurtengo KORRIKAren mezua hassaniara itzuli dute. Hizkuntza gutxiagotua da eta ahoz mantentzen da. Bideoan, Smarako Bubisher liburutegiko kideak 22. korrikaren mezua hassaniaz zabaltzen.
13. LAGUNTZAILE ZOZKETA - IRABAZLEAK (2022/03/04)
Hona 13. zozketaren irabazleak. Zorionak!
-
PAULETTE UHALDE (Mugerre): Lazkaoko LIZARGARATE Landetxean asteburuko egonaldi bat estudio batean, bi heldu eta bi haurrentzat.
-
FRANCISCO PIÑAR MONTAVEZ (Lodosa): Iruñeko HERRIKO TABERNAN asteburuko menua bi lagunentzat eta OTEIZA MUSEORAKO bi sarrera.
-
AMAIA BURGUETE USTARROZ (Irunberri): Zornotzako UXARTE Sagardotegian bi lagunentzako menua.
-
ANA AIS ANTXIA (Laudio): Gasteizko Principal Antzokian, bi sarrera bikoitz Semea mantsoago ibiltzen da antzezlana ikusteko martxoaren 23an eta Gasteizko ARGIA dendak emandako 50 euroko bale bat.
-
MARKEL GARITAGOITIA SALEGI (Etxebarri): BILBAO BASKET ikusteko bi sarrera martxoaren 27an eta Bilboko ITSASMUSEUMerako bi sarrera.
-
EMILIO GARCIA LEGARDA (Iruñea), ITSASO VILCHEZ ESAIN(Iruñea) eta MIGUEL LOZANO IBAÑEZ (Zangoza): Aizkorriko ARRIKRUTZ KOBAK ikusteko bosna sarrera (KORRIKA hilabetean erabiltzeko) eta PAMPLONETARIOrako bosna sarrera.
-
AUDREY FORDIN (Hazparne): Pasaiako ALBAOLA ITSAS FAKTORIArako lau sarrera eta Zugarramurdiko SORGINEN MUSEOrako beste lau sarrera.
-
ITZIAR ETXEANDIA IKOBALTZETA (Zornotza): Laudioko ENEAN Ile-apaindegian orrazketa eta mozketa eta Durangaldeko HONTZA museorako lau sarrera.
-
VANESSA SUBIRANA CACHINERO (Olot): BIBA ARDOAK emandako ardo saskia.
-
ARANTXA GOIENETXEA ERTZIBENGOA (Errenteria): SOINUENEA - Herri Musikaren Txokorako 2 sarrera.
-
NEREA ARTEAGA MARTIARENA (Lasarte): EUREKA ZIENTZIA MUSEOrako lau sarrera.
-
NAROA BEITIA IRIONDO (Ermua): Donostiako AQUARIUMerako lau sarrera.
KORRIKAren historiaren podcastak eskura
Eskura dituzue, atalez atal, KORRIKA bakoitzeko zertzelada eta pasadizo nagusiak. Proiektu xume hau www.korrika.eus webgunean aurki dezakezue, Historia atalean. Naiz Irratiarekin elkarlanean sortutakoa da, eta, beraz, irratiko uhinetan ere entzuteko aukera egongo da.
22 audio-fitxategi dira (atarikoa + KORRIKAren aurreko 21 edizioetako podcast bana), eta horien transkripzioak ere eskegi ditugu. KORRIKAren historiaren podcastak webgunearen atal berri batean kokatu ditugu, Korrikateka izenekoan. Pixkanaka-pixkanaka, KORRIKAren ondare guztia bertan biltzeko asmoa dugu.
Podcast hauekin jaso nahi izan ditugu edizio bakoitzeko zertzelada nagusiak, KORRIKAren historia beste era batez ere dokumentatzeko. Izan ere, lasterketa nagusiaren webgunean bertan, Historia izeneko atalean, edizio bakoitzak berariazko orrialdea dauka, nondik norako nagusiak, eta, orain, hor ere, edizio bakoitzaren podcasta eskura egongo da.
"...mila eta bat istorio daude edizio bakoitzaren atzean... Gurekin batera errepasatu nahi dituzu? Podcastetatan egongo gara zuen zain!".
Egin zaitez laguntzaile
Korrika laguntzailea izatearen abantailak
-
Astero, zozketak egingo ditugu LAGUNTZAILEEN artean... 300 sari baino gehiago...
-
Oro har, KORRIKAren ekimenetan lehentasuna edo deskontuak izango dituzu.
-
Deskontuak ere AEK-ko ikastaroetan. AIZU! Aldizkariko harpidetzan...
-
Eta, aldiro-aldiro, gure berri jasoko duzu KORRIKA laguntzaileentzako buletinaren bidez.
...eta garrantzitsuena, KORRIKAren parte zara, zure laguntzarekin egingo dugulako aurrera.
Eskerrik asko!
Valentzia
Kontaktua: Euskaltzaleok eta Euskal Etxea.
Egitaraua:
Apirilaren 2rako egun osoko egitaraua antolatu dute.
Argazkian egitarau osoa.
Alacant
KORRIKA Alacanten: Apirilaren 9an, larunbata, 12:00etan, Esplanadan.
Badira 4 urte Alacanteko HEOean euskara ikas daitekeela, eta bertako euskaldun eta euskararen aldekoekin 22. korrika ospatu nahi dute.
KORRIKa egingo dute eta gero bazkaria antolatu dute.
More...
Okzitaniako Tolosa
Helmugan txalaparta egongo da, eta ondotik, poteoa hiri barnetik. Tolosa eta inguruetako euskaltzaleak parte hartzera animatu dituzte.
Bartzelona
Egitaraua:
Apirilaren 2an egingo dute KORRIKA Bartzelonan.
Egun osoko egitaraua antolatu dute, irudian ikusgai.
Bestalde, Bartzelonako Unibertsitate Autonomoan dagoen Etxepareren Irakurletzak antolatuta hainbat ekitaldi egingo dira bertan apirilaren 5ean (zehazteko).
Paris
KORRIKA Parisen: Martxoaren 12an, 17:00etan. Hemen bideoa ikusgai.
Betiko ibilbidea egingo dute: Pariseko Sacre Coeurretik Euskal Etxera, 3 kilometroko ibilbidea. Aurtengoa laugarren KORRIKA paristarra izango da.
KORRIKA ostean, sagardotegi afaria egingo da eta Zanonymes taldearen kontzertua.
Afaria 21:00etan izango da ( ticketak Euskal Etxean hartu beharko dira: https://www.facebook.com/maisonbasque.deparis/)
Hemen ikusgai deialdia zabaltzeko egin duten bideoa.
Shanghai
KORRIKA Shanghain: Apirilaren 9an, larunbata.
Shanghain egun osoko egitarautxoa antolatzen ari dira. Dantza, musika, jana, edana...eta nola ez, korrikalditxoa!