Korrika Kulturalaren katalogoa
Korrika Kulturalaren bitartez, AEKk kalitate handiko kultur eskaintza egiten dio Euskal Herriari, euskal kulturaren askotariko adierazpideak bazter guztietara eramanez, Korrikaren alde egindako lana eskertzeko asmoz.
Bagabiltza hurrengo Korrika Kulturalerako katalogoa osatzen, 2025/2026 ikasturtean gure herrietan euskara eta euskal kultura lau haizeetara zabaltzeko, Korrikarekin batera. Beraz, baldin eta sortzailea bazara eta zeure ikuskizuna Kulturalean eskaini nahi baduzu, jarri harremanetan gurekin: korrika-kulturala@abarprodukzioak.com
Era berean, zure herrian, auzoan... ikuskizunen bat antolatu nahi baduzu, bete galdetegi hau, mesedez.
Animatu eta izan Korrika Kulturalaren parte!
TALDEAREN IZENA: GORA MUSIKA!
EMANALDIAREN IZENBURUA: HERRIKO BANDEKIN
EMANALDI MOTA: Musika zuzenean herriko bandarekin eta dantza
PUBLIKO: 2 urtetik gorakoak
SINOPSIA
Sorgin bat, Tartalo eta Basajaun geratuak dira Mariren urtebetetze festara joateko. Bidean, euren gorputz eta itxurarekin barre egiten duten hainbat pertsonaia ezagutuko dituzte eta ondorioz, beraien gorputzak zalantzan jartzen dituzte. Hortaz, kritikak jasotzen dituzten heinean, sorginaren magiaren bitartez haien itxura aldatzen dute, gaur egungo kanonetan oinarrituz. Ostean, guztiz aldatuta iristen dira Marirengana. Berak ez ditu ezagutzen, haserretu egiten da eta haiekin dantzatu nahi ez. Berraztertzen dute egoera eta magiaren bidez, lehen zeuden modura itzultzen dira. Orain, Mari pozik dago bere lagunak ezagutzen dituelako eta elkarrekin dantzatzen dute.
LOTURA