Korrika Kulturalaren katalogoa
Korrika Kulturalaren bitartez, AEKk kalitate handiko kultur eskaintza egiten dio Euskal Herriari, euskal kulturaren askotariko adierazpideak bazter guztietara eramanez, Korrikaren alde egindako lana eskertzeko asmoz.
Bagabiltza hurrengo Korrika Kulturalerako katalogoa osatzen, 2025/2026 ikasturtean gure herrietan euskara eta euskal kultura lau haizeetara zabaltzeko, Korrikarekin batera. Beraz, baldin eta sortzailea bazara eta zeure ikuskizuna Kulturalean eskaini nahi baduzu, jarri harremanetan gurekin: korrika-kulturala@abarprodukzioak.com
Era berean, zure herrian, auzoan... ikuskizunen bat antolatu nahi baduzu, bete galdetegi hau, mesedez.
Animatu eta izan Korrika Kulturalaren parte!
TALDEAREN IZENA: Supituki
EMANALDIAREN IZENBURUA: Supituki Korrika Show
EMANALDI MOTA: Antzerki inprobisatua. Ordu ta laurden irauten duen areto-ikuskizuna
PUBLIKO: 14 urtetik gora
SINOPSIA
Supituki Korrika Show-a Korrikaren unibertsora egokitutako ikuskizuna da.
Giro hurbil, dibertigarri eta errespetuzkoan egiten da, eta ikusleak sorkuntzaren funtsezko parte bihurtzen dira, publikoak idazten dituen esaldietatik abiatuta sortzen bait dira istorioak. Umorea, sormena eta benetako magia eszenikoa puri purian.
Modu honetan bapateko istorio harrigarriak sortzen dira, inork ez baitaki zer gertatuko zen emanaldian, gertatzen hasten den arte.
LOTURA
@supitukiantzerkia