KORRIKA Irundik abiatzeko 9 egun baino ez dira falta; berotzen hasteko, asteotan hainbat ikastetxetako ume eta gazteek KORRIKA Txikietan hartuko dute parte herri askotan.

Edizio honetan, BBK Fundazioak, Kutxa Fundazioak eta Vital Fundazioak babestu dituzte EAEko KORRIKA Txikiak.

Elkarlanean, Harro Herri!

Iruñeko aurkezpen soziala Prentsa oharra.

Presentación social en Iruñea. Nota de prensa.

Azarotik ari dira 23. KORRIKA aurkezten, eta antolatzaileek dagoeneko jakitera eman dituzte lasterketaren xehetasun guztiak. Gutxi falta da jada martxoaren 14rako, euskararen aldeko lasterketa erraldoia Irundik abiatzeko datarako. Ondoren, lekukoa 10 egun eta 11 gauez ibiliko da eskuz esku, euskararen aldarria Euskal Herriko bazter guztietara zabaltzen, Baionara heldu arte martxoaren 24an. Gaur egin dute aurkezpen soziala, Iruñean, mugarria ospatu eta egitasmoari ongietorria emateko.

Ekitaldia Nafarroako Antzerki Eskolan izan da, iluntzeko 19:00etan. Bertan izan da Ane Elordi Alburquerque KORRIKA koordinatzailea, AEKren Artezkaritza Kontseiluko kideek lagunduta. Eurekin batera, Euskal Herri osoko 100 gonbidatutik gora bertaratu dira: euskalgintzakoak, alderdi politikoetako ordezkariak, hedabideetako langileak, sindikatuetako kideak, eragile sozialak eta hainbat lagun gehiago.

Oholtzan, Elordik azaldu du edizio honek berariaz nahi duela euskal herritar oro «euskal komunitatearen, euskararen Herri Harroaren, parte sentiarazi», «eta, aurrerantzean, bizitzako arlo guztietan, euskaraz bizi nahi duen komunitatearen partaide bilakatu; KORRIKA, euskara bera bezala, denona delako». Halaber, Elordik hau aipatu du: «Euskarak aurrera egingo badu, herriaren erabakitasunagatik izango da; KORRIKAk aukera bikaina ematen digu herri-pultsua aktibatzeko, aldarri tinko bat egiteko, pauso gehiago eman daitezen, herri-gogoari erantzutearren».

Clowna, txeloa eta dantza
Pantxika Lamur clowna jardun da aurkezle-lanetan, eta, publikoarekin elkarreraginean, komentatu du ezen «23. KORRIKA mundu berri bat balitz, herri-aldarrien mundua» izango litzatekeela. Harekin batera Ainhoa Egizabal dantzaria eta Eñaut Zubizarreta “Trigger” txelo-jolea ere aritu dira, beren arteaz KORRIKAren aniztasunari azpimarra jartzen.

Edizio honen spota ikusteko aukera ere izan dute bertan bildutakoek.

Atzo (otsailak 28) Gasteizko hainbat eragile, erakunderen eta enpresaren ordezkariak elkartu ziren Oihaneder Euskararen Etxean, Arabako KORRIKAren aurkezpen sozialean.

AEKren Artezkaritza kide Aitziber Balantzategik eta KORRIKA arduradun Ane Elordik euskararen aldeko ekimena aurkeztu zuten jendaurrean. Gerora, lekukoa pasatu zieten Kaitin Allenderi eta Irati Andari. Izan ere, Allenderen bakarrizketarekin eta Andaren bertsoekin gozatzeko aukera izan zuten bertaratuek.

Ekitaldia bukatutakoan, gonbidatuek mokadua hartu zuten Ttipia tabernan.

Photocall-a ere egon zen. Hemen argazkiak:

Batzar Nagusietako ordezkariak eta EAJ, EH BILDU, PP eta PSOEko zinegotziak batu ziren aurkezpen sozialera. Oreka IT, Goiener, Konfekoop, RPK enpresetako eta Armentia ikastolako, Lazarraga kultur elkarteko, Topaguneko, Vital Fundazioko ordezkariek ere ez zuten hutsik egin.

HERRI HARROA GARA!

'Paperezko bizitzak' ipuin-lehiaketa prentsa-oharra (eus, es, fr)

'Hizkuntzak mugarik gabe' ekimenaren baitan (Irunen, 2024ko otsailaren 16an), AEK-KORRIKAk euskara ikasteko eskubidea aldarrikatu zuen egoera administratibo irregularrean dauden pertsonentzat

Horren ildotik, Paperezko bizitzak ipuin-lehiaketa ere aurkeztu zuen. Lehiaketak hauxe du helburu: batetik, gogor salatzea euskal herritar guztiek ezin dutela euskara doan ikasi, eta, bestetik, egoera administratibo irregularrean dauden pertsonak ikusaraztea.

Oinarri zehatzak AEKren eta KORRIKAren webguneetan (hemen) kontsulta daitezke.

Zertzelada batzuk:
- Lanak jasotzeko azken eguna martxoaren 25a izango da, ostirala.
- Ezinbestekoa da ipuin guztietan idazlearen ezizena jartzea.
- Ipuinak non/nola entregatu: AEK-ko edozein euskaltegitara eraman (aparteko kartazal batean ezizena, izen-abizenak eta telefonoa idatzita) edo This email address is being protected from spambots. You need JavaScript enabled to view it. helbidera bidali (ezizena eta telefonoa ere jarrita).
- Sari-banaketa apirilean egingo da.

Esan bezala, hemen oinarriak; eta, bertan, Hizkuntzak mugarik gabe ekimenaren albistea.

Anima zaitez ipuin-lehiaketan harrotasunez parte hartzera!

23.KORRIKA aurkeztu genuenetik (azaroak 16), KORRIKA arduradun Ane Elordik eta AEKren Artezkaritza kide Aitziber Balantzategi, Aize Otaño, Lurdes Etxezarreta eta Xabi Gartziak hainbat eragile politiko eta sozialekin bilerak egin dituzte. Zenbait errondatan Ipar Euskal Herriko ordezkariek ere parte hartu izan dute: Ihintz Oliden, koordinatzailea, eta Maider Heguy, lehendakaria.

Bilerotan, aliantzak sortu dituzte, eta euskararen aldeko ekimena sustatzeko konpromisoa hartu dute eragileok.

HERRI HARROA GARA!

Hemen eragileen errondetan ateratako zenbait argazki:

Astero zozketak egingo ditugu Korrika Laguntzaileen artean. Hurrengoa martxoaren 1ean egingo dugu. Zorte on!

Hemen sariak:

1. AINARA ARANBURU KOBEAGA (Aulestia). Muskizeko Labeondo Landetxean bi lagunentzako gaua eta gosaria, Gernikako Itsasmendi upategian experientzia bi lagunentzat, Durangoko Hontza museorako bi sarrera eta Barakaldoko Climbat eskalada gunerako sarrera bikoitza.

2. MERTXE MATABUENA GARAGORRI (Balmaseda). Zornotzako Uxarte sagardotegian afari bat bi lagunentzat, Gernikako Itsasmendi upategian esperientzia bi lagunentzat, Athletic Museorako hiru sarrera eta Lekeitioko Marierrota interpretazio zentroan lau lagunentzako bisita.

3. LARRAITZ ARANA ETXEBARRIA (Bilbo). Iruñeko Katakrak kantinan Luxu Komunal bat, Irungo Oiasso museorako lau sarrera, Isturitzeko harpeak ikusteko bost sarrera eta Izarbide supermerkatu ekologikoetan 20 euroko bi deskontu-bonu.

4. IGOR MAIZA BETELU (Lakuntza). Gasteizko Zazpi jatetxean bi lagunentzako menua, Santa Maria katedrala ikusteko bi sarrera (Katedrala eta dorrea) eta Izarbide supermerkatu ekologikoetan 20 euroko bi deskontu-bonu.

5. MAIDER ZUBIKARAI BERISTAIN (Deba). Irrisarri Land abentura parkerako lau sarrera (Baxi abentura), Iruñeko Katakrak kantinan infu-bizkotxoa bi pertsonentzat eta Katakrak editorialeko euskarazko liburu bat eta Arretxea Irulegiko arno ekoizleak emandako bi ardo botila.

Zeren zain zaude Laguntzaile izateko? Astero, zozketak egingo ditugu LAGUNTZAILEEN artean (300 sari baino gehiago), deskontuak, abantailak... eta garrantzitsuena, 15 euroren truke, KORRIKAren parte izango zara, zure laguntzarekin egingo dugulako aurrera.

                             

  
        

                                     

    

            
   

 

 

 

    

 

 

 

 

 

Prentsa-oharra

Nota de prensa

Note de presse