Datorren ostiralean, otsailaren 16an, “Hizkuntzak mugarik gabe” izeneko ekimena egingo da Irungo Oiasso Museoan, iluntzeko 19:00etan, AEK-KORRIKA eta Harrera Elkartearen arteko elkarlanean.

Ekimena 23. KORRIKAren baitan egingo da, bere xedea izanik paperik gabeko pertsonen hizkuntzak ikasteko eskubidea aldarrikatzeaz gain, beren egoerari ere ikusgarritasuna ematea.

Horretarako “Lehen saiakera” film laburra eskainiko zaie bertaratutakoei, eta “Paperezko bizitzak” ipuin lehiaketa ere aurkeztuko da. Halaber, Afro Fusion Family dantza taldeak eta Amets Arzallusek ere ekitaldian parte hartuko dute.

HARRO HERRI!

AEKren eta Game Erauntsiaren elkarlanari esker, Minecraften sortutako Euskal Herri digitala zeharkatuko du KORRIKAk otsailaren 21ean, eta bideojoko zaleek eta euskaltzaleek parte hartzeko aukera ederra izango dute. Auzolana abian da, animatu!

KORRIKAren 23. edizioa Irundik abiatuko da, martxoaren 14an, eta Irunen bukatuko da, martxoaren 24an. Hori baino lehenago, otsailaren 21ean hain zuen, Korrika birtuala itzuliko da euskaldunek euskararekiko sentitzen duten harrotasuna sarean nahiz bideojokoetan erakusteko.

Parte hartzaileek korrika.gamerauntsia.eus zerbitzarian elkartuko dira, lekukoa hartuta hiriburu batetik bestera eramateko elkarrekin!

Anima zaitez!
Esan bezala, Korrika birtuala otsailaren 21ean izango da, eta 18:30ean ekingo diogu ziberibilbideari. Parte hartu nahi duenak izena eman beharko du. Gainera, opaiak irabazteko aukera egongo da. Izan ere, KORRIKA materiala zozketatuko dugu.

Nola ez, Korrika birtuala zuzenean emango eta grabatuko dugu: Game Erauntsiaren YouTube katetik jarraipena egingo da.

Zehaztasun guztiak Game Erauntsiaren webgunean.

Harro plazan, online zein kanpoko bizitzan.
Harro herri, eta harro KORRIKAn!

Astero zozketak egingo ditugu Korrika Laguntzaileen artean. Hemen sariak eta irabazleak. Zorionak!

1. MICHEL ENDARA (Senpere). Bermeoko Asitxo baserrian asteburu bat bi pertsonarentzat, Zornotzako Uxarte sagardotegian afari bat bi lagunentzat eta Errigorak emandako kutxa bat.

2. MARTA ORTEGA ECHEVERRIA (Ordizia). Hernaniko Altzueta sagardotegian bi lagunentzako menua, Donostiako Aquariuma bisitatzeko bi sarrera, Donostiako Robers kirola dendarako 50 euroko bale bat eta Errigorak emandako kutxa bat.

3. FERNANDO ROJO TOLOSA (Tolosa). Zornotzako Jauregiberria jatetxean bi lagunentzako berrikuntza menua, Durangoko Hontza museorako bi sarrera eta Errigorak emandako kutxa bat.

4. IRATXE BILBAO VILLENA (Gatika). Bilboko Kalderapeko jatetxean bi lagunentzako menua, Berroja upategian bisita egiteko lau txartel, Lekeitioko Marierrota interpretazio zentroan lau lagunentzako bisita eta Errigorak emandako kutxa bat.

5. JEXUX OLAZIREGI BAGÜES (Orereta). Gasteizko Santa Maria katedrala ikusteko 2 sarrera, Gasteizko Neuk arropa dendan gastatzeko 30 euroko balea eta Errigorak emandako kutxa bat.

Zeren zain zaude Laguntzaile izateko? Astero, zozketak egingo ditugu LAGUNTZAILEEN artean (300 sari baino gehiago), deskontuak, abantailak... eta garrantzitsuena, 15 euroren truke, KORRIKAren parte izango zara, zure laguntzarekin egingo dugulako aurrera.

                            

                                                 

    

            
   

 

 

    

 

 

 

 

 

KORRIKAk Euskal Herriko mugak zeharkatuko ditu. Aurten ere, hizkuntza gutxiagotuak ardatz, erronka luzatu die munduko KORRIKAzaleei: KORRIKAren mezua ahalik eta hizkuntza gutxiagotu gehienetan itzultzea. AEK-KORRIKAk leku berezia egin nahi die hizkuntza horiei, “Bagarelako, herriak harro!”. Hemen duzue itzuli beharreko testua, lagundu lau haizeetara zabaltzen!

Horrez gain, urtero legez, munduan zehar hainbat KORRIKA antolatu dira, baita horien inguruko ekitaldiak ere. 22. Korrikak 4 kontinente eta 45 hiri hartu zituen, eta 23. KORRIKAk ere antzeko bideari ekin dio. Edizioz edizio, horretan aritzen dira munduan zeharreko euskaldun eta euskaltzaleak, eta ekimen ederrak egiten dituzte. Guk webgunean eta sare sozialetan emango dugu horien guztien berri. Mapa hori eguneratzen da, informazioa jaso ahala. 

Halaber, azken urteotako hitzarmenari eutsita, Etxepare Institutuak ere bere gain hartu du KORRIKAren leloa munduan barreiatzeko konpromisoa. Horretarako, besteak beste, unibertsitate-esparruko irakurletzetan lanketa berezia egiten ari da; bideo-lehiaketa ere antolatu dute.

Informazio gehiago hemen: https://www.korrika.eus/eu/munduan/korrika-munduan

Munduan ere HARRO HERRI!

23. KORRIKAk hizkuntza-komunitatea eta herri-harrotasuna ekarri nahi ditu lehen lerrora. Hizkuntza gutxituek gero eta erronka handiagoa dute hiztunak zein hitz egiteko espazioak eskuratzeko edo orain artekoei eusteko; horregatik, ezinbestekoa da komunitatearen pertenentzia —identitatea— hizkuntzarekin izaniko gozamenezko bizi-esperientziei lotzea.

Horixe baita Korrika: euskal komunitatearen emozio-leherketa, herri-aldarri alai eta tinkoa; batzuentzat ahalduntze-bidea, askorentzat euskarara hurbiltzeko era. Hizkuntza gutxituek ere prestigioa badutelako, HARRO HERRI.

AEK-KORRIKAk mezu hau zabaldu nahi du munduko bazter guztietan eta, horri begira, ahalik eta lengoaia gutxiagotu gehienetara itzuli gura dugu, harro zabal ditzagun mintzaira oro. Beraz, horra hor erronka munduan zeharreko KORRIKA lagunontzat.

Itzuli testua zuen inguruko hizkuntza gutxiagotuetan, guk geure web-orrian txerta dezagun, eta hortik sareetan non-nahi heda dadin.

Itzulpena errazteko, ingelesezko, alemanierazko, frantsesezko eta gaztelaniazko bertsioak ere badituzue eskuragarri HEMEN.

Deskargatu hemendik

Deskargatu hemendik

Deskargatu hemendik.

Martxoaren 16an, larunbata, eguerdiko 12:00-etatik 14:00-etara elkarrekin KORRIKA 2024 ospatzera gonbidatu nahi zaituztegu, euskararen aldeko kontzientzia suspertzea eta euskaltegien eguneroko lana indartzea helburu duen ekimen honekin bat eginez.

Ekitaldi hau New Yorkeko Euzko Etxeak eta Euskadiren Estatu Batuetako Ordezkaritzak elkarlanean antolatuta dago.

Ez zaitzala sasoian izateak kezkatu, ekintza honek ez baitu inoren iraupen-maila neurtzeko asmorik, elkarrekin ongi pasa eta New York hirian euskara ospatzea baita helburua!
 
Ekitaldiaren Xehetasunak:
Eguna: Martxoaren 16a, larunbata
Ordua: 12:00-2:00 pm
Elkargunea: Bartel-Pritchard Square, Prospect Park Southwest, Brooklyn, NY 11215
Ibilbidea:

Harremanetarako: Cette adresse e-mail est protégée contre les robots spammeurs. Vous devez activer le JavaScript pour la visualiser.

Mallorkako Euskal Etxeak antolatuta.

KORRIKA ARTÀ, POLLENÇA ETA PALMAN. Hiru egunez segidan ospatuko da, datorren ostiral, larunbat eta igandean, martxoaren 15, 16 eta 17an, Artà, Pollença eta Palman bertan hurrenez hurren, bertako udalak lankide.

Harremanetan jartzeko: Cette adresse e-mail est protégée contre les robots spammeurs. Vous devez activer le JavaScript pour la visualiser.