Bi entitateok lankidetzan aritzea adostu dute; hala, etorkizunean hainbat jarduera eramango dute aurrera elkarlanean, bion balio komunetan (jasangarritasuna, etika, euskararen aldeko sostengua…) oinarri hartuta.

Horren ondorioz, batetik, Goienerrek AEK lehenetsiko du bere langileen formakuntzari begira, baita normalizazioan zein bestelako alorretan ere (aholkularitza-zerbitzua, esaterako). Era berean, kontzientziazio-tailerrak eskainiko dizkie AEKideei, eta hitzaldi/tailerrak Praktikatu egitasmoetako teknikariei eta parte hartzaileei. Itunaren ondoriozko aukeraz baliatuta, AEK-k zenbait unitate didaktiko sortuko ditu energiaren inguruan, baita Goienerrek euskararen erabileran izan ditzakeen behar pedagogikoan laguntza eman ere.

Bestetik, Goienerrek KORRIKAren babesleetako bat izaten jarraituko du: euskararen aldeko ekimenaren petoetan agertuko da energia kooperatibaren logotipoa. Halaber, Goienerrek salmenta erraztuko du bere bazkideen artean, eta kilometroren bat babestuko du.

Amaitzeko, azpimarratzekoa da harreman honek ez duela etekin ekonomikorik lortzeko asmorik, baizik eta, soilik, bi erakundeen arteko prestasuna areagotzea eta elkarlana sustatzea.

Irudian, AEK-KORRIKAko Ane Elordi eta Aitziber Balantzategi, eta Goinerreko Jokin Castaños eta Maite Solaguren

HARRO HERRI!

Astero zozketak egingo ditugu Korrika Laguntzaileen artean. Hemen sariak eta irabazleak. Zorionak!

1. IÑAKI LAZKANO ORUETA (Oñati). Bergarako Lamaino Etxebarrin asteburuko egonaldi bat bi lagunentzat, El Agricultor Kontserbak emandako produktu-sorta bat eta Hernaniko Ibai Mendi Kirolak dendan erabiltzeko 50 euroko bale bat.

2. AMAIA SARRIONANADIA OLABARRI (Zornotza). Iruñeko Herriko Tabernan asteburuko bazkari bat bi lagunentzat, Martiko etxearen produktu-sorta bat, Iruñeko Basati Kirolak dendan erabiltzeko 100 euroko bale bat, Oteiza Museorako lau sarrera eta Otxandioko Hontza Extreme abentura parkerako sarrerak bost lagunentzat.

3. J. IÑAKI HERRERA BARTUREN (Bilbo). Bilboko Kalderapeko jatetxean bazkari bat bi lagunentzat, Jakion etxeak emandako bi produktu-sorta, Athletic Club museorako lau sarrera, Bilboko Itsas Museorako lau sarrera eta Chillida Leku bisitatzeko lau sarrera.

4. PAKEA REGAIRA SALVADOR (Iruñea). La Perla talasoterapiarako sarrerak bi lagunentzat, Martiko etxearen produktu-sorta bat, El Agricultor Kontserbak emandako produktu-sorta bat eta Donostiako Aquariuma bisitatzeko bi sarrera.

5. TXARO ETXEBERRIA SUESCUN (Iruñea). Iruñeko Gayarre Antzokian, urtarrilean 3an, “Arrain bat bezala” umeentzako antzerkirako bi sarrera; eta urtarrilaren 4an “Peer Gyntekin amesten” umeentzako kontzerturako beste bi sarrera.

6. ESPERANZA ARIZKUREN ATIENZA (Antsoain). Iruñeko Gayarre Antzokian, urtarrilean 3an, “Arrain bat bezala” umeentzako antzerkirako bi sarrera; eta urtarrilaren 4an “Peer Gyntekin amesten” umeentzako kontzerturako beste bi sarrera.

7. RIKARDO ANDUEZA RIPA (Anotz). Iruñeko Gayarre Antzokian, urtarrilean 3an, “Arrain bat bezala” umeentzako antzerkirako bi sarrera; eta urtarrilaren 4an “Peer Gyntekin amesten” umeentzako kontzerturako beste bi sarrera.

8. JON MOSCOSO ZAS (Berriozar). Iruñeko Gayarre Antzokian, urtarrilean 3an, “Arrain bat bezala” umeentzako antzerkirako bi sarrera; eta urtarrilaren 4an “Peer Gyntekin amesten” umeentzako kontzerturako beste bi sarrera.

9. MARIA DEL CARMEN MURILLO ZABALZA (Iruñea). Iruñeko Gayarre Antzokian, urtarrilean 3an, “Arrain bat bezala” umeentzako antzerkirako bi sarrera; eta urtarrilaren 4an “Peer Gyntekin amesten” umeentzako kontzerturako beste bi sarrera.

10. AINTZANE BULDAIN AZANZA (Iruñea). Iruñeko Gayarre Antzokian, urtarrilean 3an, “Arrain bat bezala” umeentzako antzerkirako bi sarrera; eta urtarrilaren 4an “Peer Gyntekin amesten” umeentzako kontzerturako beste bi sarrera.

Zeren zain zaude Laguntzaile izateko? Astero, zozketak egingo ditugu LAGUNTZAILEEN artean (300 sari baino gehiago), deskontuak, abantailak... eta garrantzitsuena, 15 euroren truke, KORRIKAren parte izango zara, zure laguntzarekin egingo dugulako aurrera.

                      

                                                      

    

    
   

 

   
    

 

 

 

 

Hemen da 23.KORRIKA!

Hiru hilabete eskas falta dira euskararen aldeko ekimena abiatzeko, eta motorrak berotzen joateko, edizio honetako jantzien desfilea egin dugu Arrangoitzen.

23.KORRIKAren arropa eta osagarriak salgai dira Euskal Herriko hainbat txokotan: AEKren euskaltegietan eta KORRIKA dendetan. Online denda egunero eta 24 orduz irekita.

Eskerrik asko Natura Antzokira hurbildu zineten lagun guztiei, desfilean parte hartu zenuten ikasle, guraso, artista eta herritarrei. Eta, bereziki, mila esker, Kanalduderi erreportaje puskagatik!

Maite Arroitajauregi, “Mursego”, musikariaren gidaritzapean sorturiko kanta aurkeztu dute Ane Elordi KORRIKAko arduradunak eta Arroitajauregik berak Eibarko Juan Bautista Gisasola musika-eskolan. Horrez gain, bideoklipa ere plazaratzeko baliatu dute agerraldia.

23. KORRIKA kanta eta bideoklipa aurkeztu dituzte Maite Arroitajauregi musikariak eta Ane Elordi KORRIKA arduradunak gaur goizean, Eibarko Juan Gisasola musika-eskolan.

Berak egindako lanen artean ezberdina egin zaiola adierazi du Arroitajauregik, gutxi izaten baitira enkarguz egindako lanak: “Horrek geure buruari muga batzuk jartzera eraman gintuen, baina horrelako kantuekin egon ohi diren inertzia edo ohiturak kolokan jartzera: Korrika egiteko ez dagoela modu bakar bat, ez dagoela kanta bakar bat, bideak badituela gorabeherak eta bihurguneak.” Horrez gain, nabarmendu beharra dago pertsona askok osatutako lantalde batek sortu duela kanta.

Kantuak 6-7 zati ezberdin ditu; kantuaren barruan 3 kanta ezberdin, eta minisinfonia moduko zerbait oharkabean. Kantu berritzailea denik ezin uka: “Atea zabaldu diegu azelerandoei, disonantziei, kaos modukoei, keinuei... Eta hainbat kantariren artean abestua egon arren, apenas inor ez nabarmentzeari, masa bat irudikatzeari”, azaldu du Arroitajauregik.

Pop-barrokoa
Prozesu luzea izan den arren, gozatu egin dutela gaineratu du musikariak:

“Letratik abiatu ginen kantu pop bat egiteko, eta behin hezurdura eta melodia nagusia argi samar genituela hasi ginen konponketak proposatzen eta jolasten, askotariko ideiak botatzen eta eztabaidatzen, ados egon garen arte % 100ean”. Berrehunka pista zirriborratu eta milaka aldiz entzun eta gero, emaitza “pop-barroko kantu bat” izan da. Harrerari dagokionez, kontuan izan dute horrelako abesti bat publiko zabalari zuzenduta dagoela, eta berdin balio behar duela umeek abestu eta dantzatzeko, lagunarteko festarako, zein errepidean denok bat eginda oihukatzeko.

Bideoklipa
Ane Elordi Alburquerquek azaldu legez, bideoa Amaia Badiola Elgezabalek egin du eta, eta, batez ere, aurreko edizioetako artxiboko irudiz osatuta dago: “23 ediziok eta 43 urtek askotarako ematen dute; besteak beste, ikusteko zer nabarmenak diren KORRIKAn mota guztietako bilakaerak: gizartea, aldarrikapenak, estetika, komunikatzeko erak... baita gauza horiek guztiak jasotzeko teknikak ere”. Izan ere, denboraren aurrera-egite horrek euskararen erresistentzia ere irudikatzen du. Egileak dioenari jarraikiz, “Bideoklipa batzuetan da nostalgikoa, beste batzuetan polita, eta “punkia” ere izan daiteke”.

PLUS D'INFORMATIONS