10. JALGI HADI

Jarduera honetan Jalgi Hadi dokumentalaren trailerra ikusiko duzue eta honen inguruan solastuko zarete. Izenburuari buruzko bi galdera hauek erantzun beharko dituzue lehenik:

  • Zer esan nahi du “Jalgi Hadi” esamoldeak? Ezaguna egiten al zaizue?
  • Zeren inguruko trailerra dela uste duzue?

Ikusi bideoa!​


  • ​Ezagutzen al zenituzten bideoan agertu diren pertsonak?
  • Inork zerbait komentatu nahi al du ikusi dugunaren inguruan?

Dokumentalean, Ander Iriartek, Idurre Eskisabelek, Lurdes Etxezarretak eta Ane Elordik hainbat adierazpen egiten dituzte. Elkartu zaitezte talde txikietan eta baloratu itzazue beraien hitzak Baliabideak atalean duzuen fitxa betez. 

Talde txikietan galderak erantzundakoan, talde handian partekatuko dituzue emandako iritziak. Irakasleak dinamizatuko du solasaldia eta taldeetako bozeramaileek hartuko dute hitza. Denon artean ahaleginduko zarete erantzunak aberasten. 

Euskararen egungo egoeraz gehiago jakiteko, Berria egunkariaren webgunea arakatzera gonbidatzen zaituztegu eta gai honen inguruko albiste eta iritzi artikuluak irakurtzea proposatzen dizuegu. Euskara jasaten ari den oldarraldiarekin loturiko albisteak ere bilatu itzazue eta aurkitutakoak talde handian partekatuko dituzue.

Dokumental hau crowdfunding kanpainari esker atera da aurrera. 
​

  • Zer da crowdfundinga? 
  • Ezagutzen al duzue honelako kanpainarik? Zergatik dira beharrezkoak?
  • Ekarpenik egin al duzue sekula honelako kanpaina batean? Egiteko prest zeundeteke? 
  • Zein proiektutan egingo zenukete ekarpen ekonomiko bat?

Erantzun galderei talde handian eta solastu zaitezte gaiaren inguruan!

Baliabideak