|
Informazio orokorra
|
INFORMAZIO OROKORRA
HELBURUA:
Euskararen erabilera sustatzea eta indartzea. Helburu berarekin lanean diharduen AEKk antolatutako KORRIKA ekimenaren zergatiaz eta beharraz ohartzea.
IRAUPENA:
24. KORRIKA martxoaren 19an hasiko da Atharratzen eta 29an amaituko da Bilbon.
KORRIKA kanpainak bi asteko iraupena izango du. Betiere, irakasleen esku geratuko da KORRIKA hasi aurretik lanketa abiatzea, kanpaina bete-betean jarraitzea edo egun gutxiagotan burutzea. KORRIKA amaitu osterako jarduerak ere proposatzen dira unitateetan.
PROZEDURA:
Bi asteko proposamena da hau, baina ez da ahaztu behar malgutasun osoa dagoela unitatea erabiltzeko garaian, jarduera gehienak solteak baitira. Horrela, beraz, norberaren gustura antola daiteke lanketa. Bestalde, unitate desberdinetako jarduerak erabilgarri izan litezke beste adin tarte batzuetarako ere. Irakasleen esku geratzen da gainerako unitateak begiratu eta gustuko jarduerak euren mailetara moldatzeko aukera.
Jarduera bakoitza garatzeko zenbat egun edo saio erabili jakiteko gomendioa ere bertan duzue.
Proposatzen diren jarduerak ez dira soilik Euskara arloan egiteko. Euskararen normalizazioa edozein jakintza-arlotako irakasleen ardura ere badenez, ikastetxeko irakasle eta gainerako hezitzaileen esku-hartzea oso garrantzitsua izango da helburuak lortzeko garaian. Honenbestez, garrantzitsua izango da irakasle-taldeak unitateak aurrera eramateko planifikazioa egitea.
Bestalde, KORRIKAren inguruko lanketa, eskolara ez ezik, etxeetara zabaltzea ere bada unitate didaktiko hauen helburua, KORRIKAren inguruko ezagutzan eta euskara eta euskal kulturarekiko sentsibilizazioan eragiteko asmoz. Unitateetan hainbat jarduera topatuko dituzue ikasleek etxean, euren familiekin egin ditzaten edo hauen berri eman dezaten.
Jarduera hauen artean, 24. KORRIKAren Ihes-gela aurkituko duzue, adin desberdinetako ikasle nahiz gurasoek elkarrekin jolasteko moduko jolasa. Eskolako komunikazio bideak baliatu ditzakezue familiei helarazteko. Multimedia atalean duzue eskuragarri.
EGITURA:
Unitateak adinaren arabera antolatuta daude.
Adin-tarte bakoitzari egokia zaion lanketa proposatzen da.
MATERIALA ERABILTZEKO ARGIBIDEAK:
Webguneak bi atal nagusi ditu: unitate didaktikoen atala eta gida didaktikoena.
Unitate didaktikoen atala ikasleei zuzendurik dago, bertan aurkituko baitituzte landuko duten unitate didaktikoko jarduerak. Horretarako, euren adin tarteari dagokion unitatean sartzea besterik ez dute. XINGI-XANGO eta TTIPI-TTAPA unitateetan gelako arbel digitalean proiektatzeko erabil litezke. NIS-NASKA eta TARRAPATAKA unitateen kasuan ordea, ordenagailu eramangarrien bitartez, ikasleek eurek sartu ahal izango dute webgunean (Driveko fitxak eskuratzeko, dokumentuaren kopia bat egin behar da eta norberaren profilean gorde).
Jarduera bakoitzaren amaieran, beharrezko baliabide guztiak aurkituko dituzue.
Gida didaktikoen atala berriz, irakasleentzako da. Bertan, unitate bakoitzari dagozkion azalpenak aurkituko dituzte. Landuko duten unitatea aukeratu eta honen gida didaktikoa deskargatu beharko dute. Gidan agertuko zaizkie jarduera bakoitzaren nondik norakoak, beharrezko azalpenak, txantiloiak…
Multimedia atalean, jardueretan erabili beharreko baliabideak eskaintzen dira. Azkenik, webgunea atalean, Korrikako webgune ofizialerako sarbidea topatuko duzue.
ZIRKULAZIO AUTONOMOA:
Eskoletan zirkulazio librea edo autonomoa gero eta txertatuago dagoen honetan, proposamen desberdinak topatutako dituzue unitateetako hainbat jardueratan, haurrek, euren interesen, gustuen eta erritmoen baitan gauzatu ditzaten.
24. KORRIKArekin espresuki lotutako KORRIKA TXOKOA jar liteke eskolan, zirkulazio librean ari direnean bertan proposatzen ditugun edukiak landu ditzaten.
Irakasleen gidetan nahiz jarduera bakoitzean txertatuta aurkituko dituzue proposamen hauek.
KIDETZE-PLANAK:
Plangintza hauek ikasle helduak eta gazteagoak kidetzeko proposamena egiten digute. Hainbat jardueratan, kidetze plana abian jartzeko azalpenak aurki daitezke: ipuina, plazara dantzara! eta mezu sekretuak jardueretan, esaterako.
Kidetzearen helburuak honako hauek dira:
Material hau, Euskal Herriko Ikastolak elkartearen koordinaziopean, hainbat profesionalen ekarpenak jasoz KORRIKArako egindako lan kolektiboa da.
ARDURADUNAK
Jon Alustiza Gorria
Iñaki Zapirain Retegi
KOORDINAZIOA
Tito Serrano (AEK)
Xabier Lasa (Ikastolak)
IPUINAREN EGILEA
Goiatz Labandibar
IPUIN KONTALARIA
Nerea Arriola
ILUSTRAZIOA
Iñaki Zapirain Retegi
KOREOGRAFIAREN EGILEAK
Izar Aizpuru, Nerea Vesga, Ibon Uharte eta Izaro Urrestarazu
MUSIKOGRAMAREN EGILEA
Gema Ines Murillo
DISEINUA
Arteman Komunikazioaren Artisauak
ESKERRAK
Lekuona Fabrika
Euskararen erabilera sustatzea eta indartzea. Helburu berarekin lanean diharduen AEKk antolatutako KORRIKA ekimenaren zergatiaz eta beharraz ohartzea.
IRAUPENA:
24. KORRIKA martxoaren 19an hasiko da Atharratzen eta 29an amaituko da Bilbon.
KORRIKA kanpainak bi asteko iraupena izango du. Betiere, irakasleen esku geratuko da KORRIKA hasi aurretik lanketa abiatzea, kanpaina bete-betean jarraitzea edo egun gutxiagotan burutzea. KORRIKA amaitu osterako jarduerak ere proposatzen dira unitateetan.
PROZEDURA:
Bi asteko proposamena da hau, baina ez da ahaztu behar malgutasun osoa dagoela unitatea erabiltzeko garaian, jarduera gehienak solteak baitira. Horrela, beraz, norberaren gustura antola daiteke lanketa. Bestalde, unitate desberdinetako jarduerak erabilgarri izan litezke beste adin tarte batzuetarako ere. Irakasleen esku geratzen da gainerako unitateak begiratu eta gustuko jarduerak euren mailetara moldatzeko aukera.
Jarduera bakoitza garatzeko zenbat egun edo saio erabili jakiteko gomendioa ere bertan duzue.
Proposatzen diren jarduerak ez dira soilik Euskara arloan egiteko. Euskararen normalizazioa edozein jakintza-arlotako irakasleen ardura ere badenez, ikastetxeko irakasle eta gainerako hezitzaileen esku-hartzea oso garrantzitsua izango da helburuak lortzeko garaian. Honenbestez, garrantzitsua izango da irakasle-taldeak unitateak aurrera eramateko planifikazioa egitea.
Bestalde, KORRIKAren inguruko lanketa, eskolara ez ezik, etxeetara zabaltzea ere bada unitate didaktiko hauen helburua, KORRIKAren inguruko ezagutzan eta euskara eta euskal kulturarekiko sentsibilizazioan eragiteko asmoz. Unitateetan hainbat jarduera topatuko dituzue ikasleek etxean, euren familiekin egin ditzaten edo hauen berri eman dezaten.
Jarduera hauen artean, 24. KORRIKAren Ihes-gela aurkituko duzue, adin desberdinetako ikasle nahiz gurasoek elkarrekin jolasteko moduko jolasa. Eskolako komunikazio bideak baliatu ditzakezue familiei helarazteko. Multimedia atalean duzue eskuragarri.
EGITURA:
Unitateak adinaren arabera antolatuta daude.
Adin-tarte bakoitzari egokia zaion lanketa proposatzen da.
- XINGI-XANGO (3-6 urte)
- TTIPI-TTAPA (6-9 urte)
- NIS-NASKA (9-12 urte)
- TARRAPATAKA (12-18 urte)
MATERIALA ERABILTZEKO ARGIBIDEAK:
Webguneak bi atal nagusi ditu: unitate didaktikoen atala eta gida didaktikoena.
Unitate didaktikoen atala ikasleei zuzendurik dago, bertan aurkituko baitituzte landuko duten unitate didaktikoko jarduerak. Horretarako, euren adin tarteari dagokion unitatean sartzea besterik ez dute. XINGI-XANGO eta TTIPI-TTAPA unitateetan gelako arbel digitalean proiektatzeko erabil litezke. NIS-NASKA eta TARRAPATAKA unitateen kasuan ordea, ordenagailu eramangarrien bitartez, ikasleek eurek sartu ahal izango dute webgunean (Driveko fitxak eskuratzeko, dokumentuaren kopia bat egin behar da eta norberaren profilean gorde).
Jarduera bakoitzaren amaieran, beharrezko baliabide guztiak aurkituko dituzue.
Gida didaktikoen atala berriz, irakasleentzako da. Bertan, unitate bakoitzari dagozkion azalpenak aurkituko dituzte. Landuko duten unitatea aukeratu eta honen gida didaktikoa deskargatu beharko dute. Gidan agertuko zaizkie jarduera bakoitzaren nondik norakoak, beharrezko azalpenak, txantiloiak…
Multimedia atalean, jardueretan erabili beharreko baliabideak eskaintzen dira. Azkenik, webgunea atalean, Korrikako webgune ofizialerako sarbidea topatuko duzue.
ZIRKULAZIO AUTONOMOA:
Eskoletan zirkulazio librea edo autonomoa gero eta txertatuago dagoen honetan, proposamen desberdinak topatutako dituzue unitateetako hainbat jardueratan, haurrek, euren interesen, gustuen eta erritmoen baitan gauzatu ditzaten.
24. KORRIKArekin espresuki lotutako KORRIKA TXOKOA jar liteke eskolan, zirkulazio librean ari direnean bertan proposatzen ditugun edukiak landu ditzaten.
Irakasleen gidetan nahiz jarduera bakoitzean txertatuta aurkituko dituzue proposamen hauek.
KIDETZE-PLANAK:
Plangintza hauek ikasle helduak eta gazteagoak kidetzeko proposamena egiten digute. Hainbat jardueratan, kidetze plana abian jartzeko azalpenak aurki daitezke: ipuina, plazara dantzara! eta mezu sekretuak jardueretan, esaterako.
Kidetzearen helburuak honako hauek dira:
- Elkarrekintzaren bitartez ikasle txiki eta nagusien euskara-erabileran eragitea.
- Ikastetxearen hizkuntz normalizazioan ikasle nagusiak subjektu aktiboak izatea eta ez hartzaile pasibo huts, horretarako ikasle helduenen protagonismoa bultzatzen da.
- Ikasle nagusiek ardurak eta konpromisoak har ditzaten bultzatzea.
- Ekintza honen bidez motibazioa indartzea, batez ere, ikasle nagusiekin.
Material hau, Euskal Herriko Ikastolak elkartearen koordinaziopean, hainbat profesionalen ekarpenak jasoz KORRIKArako egindako lan kolektiboa da.
ARDURADUNAK
Jon Alustiza Gorria
Iñaki Zapirain Retegi
KOORDINAZIOA
Tito Serrano (AEK)
Xabier Lasa (Ikastolak)
IPUINAREN EGILEA
Goiatz Labandibar
IPUIN KONTALARIA
Nerea Arriola
ILUSTRAZIOA
Iñaki Zapirain Retegi
KOREOGRAFIAREN EGILEAK
Izar Aizpuru, Nerea Vesga, Ibon Uharte eta Izaro Urrestarazu
MUSIKOGRAMAREN EGILEA
Gema Ines Murillo
DISEINUA
Arteman Komunikazioaren Artisauak
ESKERRAK
Lekuona Fabrika
